عن شبكة مسيحيي سوريا لدعم الثورة السورية
ناطر كنت … تا تكبري
زفّك عروس بهالدني …
قلّك يا بنتي … تصوّري
تذكار هاليوم الهَني …
ما كان ظنّي … إحملك
بخيوط جرحي … إغزلك
و من غير زلغوطة إلك …
زفّك عروس … لموطني
ما كان ظنّي … هالعمر
قدران يكسرني قهر …
و الكان لضلوعي … جَبر
صار الوجع عم ينحني …
عا درب … ما منّو نوى
ماشي و معي … برعم هوى
و الموسم اللي ما استوى …
ما عاد ينطر … سوسنة
ما عاد ينطر هالحلو …
يكبر بحضنو … يدلّلو
كيف العمر … رح كمّلو
من غير ضحكة ولدنة ..
