قلتولي قطعة سما لكن !!!!

 تفرّجت على فيديو من شوي لمجموعة ضباع لبنانيين عم يستأسدوا على مواطن سوري مسكين و يمارسوا عليه اقسى صنوف الاذلال و التعذيب و الاهانة ..

بكل مرّة بقول ما رح عمم و احكي عن اللبنانيين ، بس بيطلعلي فيديو ما بيتركلي مجال لحتّى دافع عنهون و استثنيهون من التعميم ..

خلاصة المشهد ..
في فريق لبناني مسلّح حاضنتو الشعبية بتشكّل تلت الشعب اللبناني عم يشارك من ست سنين بتهجير و قتل السوريين ..
و فريق اخر بيشكّل التلت التاني من الشعب اللبناني و حاضنتو الاجتماعية و ارتباطاتو السياسية متحالفة مع الفريق الاول لأسباب انتخابية و محاصاصتية و طائفية من مبدأ تحالف الأقليات ..
و فريق ثالث بيشكّل التلت الأخير من الشعب اللبناني ، منقسم بين متفرّج على ما يقوم به ابناء الفئتين الاوليين و عم يقول ما دخلني، و قسم على قهاوي الارجيلة ما عارف الله وين شالحو ، و قسم مقضّيها قراءات و تحليلات و شرح من دون البحث عن إيجاد حلول..

انا ما بدّي عمم ، بس اذا كلكون أربعة مليون شخص منتمين لأحد الفئات السابقة ، من وين بدّي جيب لبناني يخليني ابتعد عن التعميم !!!

بالمناسبة .. تذكّروا انّو متل هالأيام من عشر سنين كانوا اللبنانيين ضيوف في بيوتنا و عاملناهم كما لم يكونوا لاجئين بل اصحاب بيوت..
قلتولي قطعة سما لكن !!!!