سبب السادية المفرطة لدى الحكومات العربية للتعامل مع شعوبهم المازوخية

اتعبتني من شهرين و لليوم فكرة ما كنت لاقيلها حل : ليش 99% من شعبنا بس تعمل معه خير كامل و تقدمله كل طلبه ( بتخسره ) وليش اذا رفضت تساعده او ساعدته نصف مساعدة ( بيشكرك و بحرارة ) ؟
لمبارح فهمت السبب .. قريت مقالة عن المازوخيين فاتضح انه من صفاتهم ، انه بينفروا من الاشخاص اللي بيقدمولهن المساعدة لانه بيحرموهن من شعور الالم و الاضطهاد اللي بيحبوا يتمتعوا فيه ..
و توصلت من هون لسبب السادية المفرطة لدى الحكومات العربية حيث انهم عرفوا سر التعامل مع شعوبهم المازوخية .
فالعلاقة السرية بين الدولة و الشعب متفق عليها سلفاً .. كوني سادية لابقى انا الخادم المطيع ، اوعا تعطيني حقوقي و تكرميني .. بتخسريني
بيبقى السؤال : هال 1% المعتر اللي لا بده يكون سادي و لا بيقبل يكون مازوخي شو بيعمل بحاله ؟