الاف النساء المعنفات بالوطن العربي بيشوفوها عبارة عن عضو محدد لاغين انها تكون انسان بتحس وبتتألم ولها الحق تقول لا

شفت منشور لمغترب سوري مستهجن الخبر و التعليقات كلها عم تسب الانحلال الغربي ، الخبر بيقول :
(( الحكم بالسجن لمدة عام على لاجئ سوري لانه اعتدى جنسياً على زوجته دون رضاها ))
طبعاً العرب بينظروا لهالقصة وكأنها مسرحية او نكتة لانه متعودين عمقولات بغيضة منها : ان عصت المرأة الزوج و رفضت تلبية حقه الزوجي بالفراش له الحق ان يعاقبها و يؤدبها و حتى ان يضربها .
للصراحة لما وصلت عاميركا و خبروني انه من حقي اشتكي عزوجي ان اغتصبني انا نفسي ضحكت و بوقتها سألت : انه القاضي كيف رح يميز اذا المدعية صادقة او لا ؟ lol .. فقالولي من وجود كدمات .
وهون اخدتني الذاكرة لالاف النساء المعنفات بالوطن العربي حيث بيشوفوها و كأنها عبارة عن عضو محدد و لاغين انها تكون انسان بتحس و بتتألم و الها الحق انه تقول ( لا )
فبرأيكن اي من هالمجتمعين هو المنحل انسانياً و اخلاقياً ؟