Freethinker مفكر حر

Bassam Yousef
 أحد أصدقائي قرر انو يعاين على أرض الواقع حقيقة التعفيش، فطلب مرافقة قريب له ينوي الزواج ويريد أن يشتري العفش من عند أحد المعفشين المعروفين، وافق قريبه على اصطحابه بعد تحذير شديد الوضوح:
– أكل خرا مابدي ..تعملي معارضة وشرف ووطنية، بدي اشتري معفش ان عجبك ولا ماعجبك لذلك مابتفتح تمك ولا بحرف واذا بتصور صورة وحدة قسما بالله لقلو للمعفش انك معارض وخليه يعفش روحك.
رضخ صديقي لطلب قريبه، وركب السيارة برفقته وتوجهوا من اللاذقية الى بيت قريب من جبلة على الطريق القديم الواصل بين جبلة واللاذقية.
بالبيت بيلاقوا ختيارة عمرها فوق التسعين قاعدة قدام البيت، بيسلموا عليها، وبعد لحظات بتطلع امرأة من البيت بيخبروها شو بدهن، فبتقلهن انو زوجها نزل ع جبلة ورح تحكي معو يجي ..بتجبلهن كراسي وبيقعدو جنب الختيارة وبيبلش صديقي ابو معلاق حديث معها.
الختيارة مترملة من زمان، ماضل ببيت الضيعة اللي كانت عايشة فيه غيرها، ولانها صارت ختيارة كتير وبدها من يدير بالو عليها، قام ابنها المتطوع مع ميليشيا اللص الشهير “أيمن جابر” نزلها لعندو ع بيتو.
بتفيق هالختيارة الصبح وبتتعكز على عكازتها وبتطلع تقعد تحت شجرة قدام البيت. بيسألها صديقي:
– هلق ياستي بتعرفي ابنك من وين ميجيب هالغراض..؟.
– ياعين ستك والله ميروحوا يقاتلوا اليهود … وبس يهربوا اليهود من قدامهن بيحملوا هالغراض وبيجيبوهن.
– مين قلك ميقاتلوا اليهود..؟.
– والله مرة سألتهن … لهالشباب اللي بيكونو مع ابني..ولك يا ابني هنتو مين متقاتلو ؟؟. قالولي يا ستي منقاتل الخنيزير اليهود.
– ستي انت بتضلي تقعدي هون تحت هالشجرة ..؟.
– والله بنبسط بالقعدة هون بشوف الطريق وهالسيارات ريحة جيي وبسلي حالي… بضوج كتير اذا ضليت قيعدي بالغرفة لحالي، شحاري بالضيعه كان عندي جيجات وكان عندي تلات عنزات كنت تسلى معهن ..هلق.. قيعدي لحالي، قال حطلي ابني تلفزيون بالغرفة ..والله ماحبيتو .
– يعني بتشوفيهن للشباب اللي ميقاتلوا اليهود لما بيجيبوا الغراض ؟.
– اي والله ياعيني كل كام يوم بيجو لعنا مع ابني، ومرات بشوفهن لما بيمروا ع الطريق، والله كل ماشفت هالشباب – عين عيني هنن – راجعين بهالسيارات المعباية برادات وغسالات وصوفايات بقول الله يرحم ترابك يابو باسيل …ويطول عمرو لابنك ..
– ياستي كيف شفتي غراض هاليهود كيّسات ..؟.
الله يقطعهن لها اليهود قرد متلنا متلهن .. صوفاياتهن متل صوفاياتنا وبراداتهن متل براداتنا وكراسيهن متل كراسينا وعلى شو شايفين حالهن علينا؟؟.
وهاك اليوم كان ابن ابني ميفتش بصوفاية جابها بيو من عند اليهود شاف فيها مصحف … هلق اليهود بيآمنوا بالله متلنا وبالمصحف ؟؟.
– شفتي مصحف ..؟.
– اي والله … بحضي انا آبعرف بقرا بس شحاري أبعرف المصحف ..؟.
– ياستي كتير بيجيب ابنك غراض من عند اليهود ..؟.
والله يا ابني عبا البات غراض، والله ابقى فيني متحرك بغرفتي ..صارت معباية غراض… قلتلو ولك يا ابني ابقى فيني متحرك بالغرفة قلي طولي بالك وا يامو … كام يوم بس.
– ما مينباعوا معو يعني..؟.
– والله كل يوم بيجونا شراية .. متل حضرتكن… وقف تخبرك ابن ابني متل القرد بيضل يفتش بالغراض والله شاف شي عشر خمسميات علها صور حافظ الاسد الله يرحمو … قرد هني كمان بيحطو صورة حافظ ع مصرياتهن ؟؟
– اي ياستي اليهود كتير بيحبوه لحافظ الاسد …بس هدول مو خمسميات هدول الوحدة منهن ألف .
– والله آبعرف بس قرد إذا بيحبوه للرئيس ..شحاري لاش ميقاتلونا لكن..
– والله ياستي قال بدهن ياخدو التمثال تبع الرئيس اللي باللاذقية بالشيخ ضاهر … منعطيهن ياه..؟.
– أيلي ..لا والله أمنعطيهن ياه … قرد منعطيهن رئيسنا؟؟.

الكل يرسل لي ماقدمه همام حوت ..
برأي الشخصي المتواضع نسخة طبق الأصل ومعدلة من باسم يوسف وعادل كرم و منافسة بنكهة الدولة التي تبث منها اورينت عكس مايقدمه جو شو ?المدعوم من الطرف الآخر للأزمة الخليجة
همام كان صديق شخصي لبشار الأسد و كان سقف تعبيره مخيب للأمال برأي
لم يذكر ما لا يعرفه أحد و قدم نسخ مقلده خالية من الإبداع مستغلا شهرة في ما مضى ?
مقارنة بي أعتبر نفسي أفضل أنا شخص غير ممول
ليس لدي توجهات معادية لدول حسب الداعم
أدعم الأكراد?
لم أدعم جبهتنا المنصورة?
لا بتغير موقفي بالضرورة مع مواقف دول البث والمنشأ?
أدعم حقوق المرأة. ?والأقليات والمثلين?
لا أكره بالضرورة الإخوان المسلمين?
ولا يمكن لشخص سواء همام أو غيره بمنافستي به

جود عقاد

شو هالقصة هي ..؟
يا دادا وقت بوافقلك عالصداقة لا تصرع راسي بمنشوراتك الدينية وبعثاتك الدعوية عن الله والنبي وفوقها عامل مؤذن الفيسبوك وحان الآن وقت صلاة المغرب هل من مصل عالنبي ” اللهم صل وسلم وبارك عليه ” ، ولا حول ولا قوة إلا بالله العلي العظيم ..!!
خيو اديش عم يعطيك عمو مارك بالشهر لتشتغل مؤذن ..؟!
إنه شو هالحيونة هي ما دام حان الآن وقت صلاة المغرب انته شو قاعد عم تعمل عالفيس وشلتك حواليك عم تستنى اللايك ..؟!
من زيادة الغباء بلاقي مافتح ورزق بنفس اللحظة لأشخاص من نمرتك عم يبصمولك بحوافرون عاللايك ومية وردة ومية فلة وعشرتالاف تعليق لعشرتالاف علاك من نمرتك تاركين الدنيا والله والصلاة للقعدة عالانترنت والفيسبوك تحديدا ..!!
يا أصدقائي الأعزاء ..!
ترى هذا من وجهة نظري تسمم أخلاقي بإسم الدين أولا ، وتشويه له ثانيا ، وإثارة الفتن الطائفية ، لكي تستمر الحروب بإسم الدين ثالثا ، تماما كما رسم لها عرابين وبارونات الحروب في الشرق والغرب على السواء لا استثني منهم أحدا ..!
كم مليون مسلم سني بالعالم متواجدين عالفيسبوك ، ياترى هدول كلون مابيعرفوا دينون إلا من خلالك ياابو أفكار سمها أشد فتكا من سم العقارب والحيات ..؟
يا ترى شو القصد من إنك تقول لحدا عالفيس عايش بكندا و هلئ رايح لينام بعد نص الليل ، وحضرتك عايش بالشام او بالسعودية مثلا ، حان الآن وقت صلاة الفجر أو العصر هل من مصل عالنبي ياطبل ..؟!
ثم ليش عم تتبهور وعامللي فيها ؛ شوفوني أنا مسلم سني يبليك بهر سنانك حاجة تستفزو البشرية والطوائف والأديان الأخرى باساليبكون الغبية والمنفرة ضدنا …؟…..
بعدين تعال لقلك يا شيخ الحاره ، يا حضرة المسلم السني ؛
ماحكم المراءات في الإسلام ..؟
وهل هو فرض عين أو فرض كفاية على المسلم أن تعلن للملأ عن صلاتك وما قرأت من القرآن أو الحديث وتعمل إعلان مليوني عالفيس ..!!
يعني والله عملتونا وعملتوا ديننا مسخرة ..!!
لك والمصيبة الكبرى أنا واثقة مليون بالمية أن بين كل مروجين الآيات والحديث ووووالخ مابيوجهوا وجوهون عالقبلة ولا بيصلي إلا بالجنازات لأنها أقصر صلاة ..!!
لك حلوا عنا بقى هادا مو جهل ، هادا وباء أخلاقي وتلوث قاتل تحت إسم الدين والطائفة..!
لا أتهم أحد بعقيدته ولكنني أكره أي مظهر يشوه فيه مفهوم الدين وبعده الأخلاقي ، يا أخي رجاء ، لا حدا يستفزني بعقيدتي وديني ، وفي اديان غير مسلمة بيقولوا نفس الشي متل ماعم قول ..!!
تضرب هالحاله ..!
بعدين يا أخي صوتك مزعج عم تنشز بالاذان وتشوهه الله لايعطي مارك عافية اللي ما نسفك بلوك مخمس بخلقتك وفوقها حرمك تشوف الكيبورد والفيس ..!
يلا روحوا صلوا بس لاتعملولي دعايات ” أنا صليت يامسلمين ” ..!!
استووووووا ..