هيدي ثورتي ، شو هيّة ثورتك؟؟؟

انا مع الثورة ، ايه مع الثورة ..

و واقف مع الخط اللي شايفو هوّة الحق ، مو ماسك العصا من النص..
انا ماني محايد لأقعد عذّب حالي و نافق كل يوم عالفيس بوك و احكي شي بلا طعمة و بلا ريحة، انا بكتب اي شي بيظهر انتماءي للثورة بدون مجاملة و ادّعاء بالغاندية الثورية في زمن الساطور..
اعرف عدوّك !!! هيدي القاعدة الاولى بالنسبة الي و لا رح حيد عنها..
و اذا سألتني : بدّك السلطة او البلد ، رح قلك لا بتهمني السلطة و اخر همّي البلد اذا ما فيها عدل..
انا مع الثورة ، ايه مع الثورة..
فلا عندي طموح سياسي يخلّيني نافق، و لا أحلام سلطوية اتخلّيني جامل..

انا مع الثورة لحد ما يسقط بشار..
بيجوز يخطر عبالك تساؤل انو شو بدّك تعمل بصفحتك بعد ما يسقط بشار و ينتهي سبب وجودها ؟؟

رح جاوبك..
اللي عبالو يضل على صفحتي و يشوف صوري بعد الثورة مع زوجتي و ابني هشام و كلبي في بيتي الصغير بشي قرنة من هالعالم ، فأهلا و سهلاً فيه بيشرفني كصديق ..

هيدي ثورتي ، شو هيّة ثورتك؟؟؟