عائلة الخنازير تعشق التمرغ بالقذارة
اتعددت أشكال القذارة عند عيلة الاسد ، و وصلت فيهون ببعض الأحيان لدرجة الشذوذ بالعلاقات الانسانية..
رح احكيلكون قصّة اليوم عن شذوذ أفراد هالعيلة و عن قلّة أخلاقهون..
القصة بديت لمّا رجع فراس بدرة و زوجتو اللبنانية لارا بعد سنين اغتراب و معهون تحويشة ٧٥٠ الف دولار، كانوا الباسبور لدخول فراس الى عوالم بيت الاسد المظلمة..
فترة ما اتجاوزت الأيام القليلة، اتعرّف فراس على قصي أصلان زوج فلك جميل الاسد..
و دخل معو بشراكة بمطعم في مصيف صلنفة ، و أعطوه اسم مطعم الباشا..
ما كان بيعرف فراس لتاريخ دخولو اجواء هالعيلة انو الشراكة معهون مو بس بالمال و الاعمال، الشراكة بتكون ابعد بكتير من هيك..
بتمر الأيام ، و العلاقة اتوطدّت بين العائلتين ..
و المعروف عن فلك الاسد في أوساط اللادقية انها صبيّة عدوانية و شبقة..
لعبت عينها على فراس و قرّرت يكون إلها و تستبدل هالخنزير زوجها فيه..
فراس وعي للموضوع و صار يلعب عالحبلين ، حبل المحافظة على شراكة قصي، و حبل الحفاظ على فلك عشيقة الو..
اتطورت الأمور و البلد كلها صارت تحكي بعلاقتهون، و قصي أصلان الغزال سمع بالموضوع، بس طبيعي ما يقدر يحكي او يحاسب بنت اخوه لحافظ الاسد.. فهيّة بالنتيجة وليّة نعمتو..
سمعت لارا زوجة فراس بالموضوع و ضغطت على زوجها منشان يبعد عالاخير عن فلك و يحافظ على شريكو قصي..
هون ابتدا فراس بالتهرّب من فلك بكل مناسبة ، هالشي اللي ازعج فلك لدرجة الجنون..و حرّك هالشي فيها كل شذوذ الدنيا و جنونها..
و بديت بمعاقبة فراس و عيلة فراس..
ما حدا بحارة السينمايات باللادقية ، حارة بيتو لفراس بدرة بينسى شحن البيض و الشبيحة اللي واقفين تحت البيت و عم يرموا البيض الني و يسبّوا على فراس و عيلة فراس..
و لا حدا صوب مطعم ماندالون باللادقية بيوم عيد ميلاد فراس بينسى نفس شاحنة البيض اللي نزلت على رؤوس الناس اللي عم يتعشّىوا بهالمناسبة..
و ما اكتفيت هون فلك، بيوم من الأيام بترسل شبيحتها و بيخطفوا جورج ابن فراس و هوّة ابن اربع سنين من بيت اهلو و باتصير فلك اتهدد فراس و لارا بقتلو اذا ما بيتزوجها روميو..
لدرجة انو لارا استغنت بأحد تلفونات المفاوضات و قالتلها لفلك : خدي فراس كلو الك، بس رجعيلي ابني جورج..
و لحتّى ما يفوتكون شي، كل هالشي كان عم يصير و بعدها فلك على ذمّة الغزال قصي أصلان شريك العشيق فراس بدرة..
لما وصلت فلك لطريق مسدود، قررت تلعب اخر أوراقها..
بنص ليلة صيف و على مرأى و مسمع من كل أهالي حارتو لفراس بتجي على درج بيتو و بتصرخلو يطلع..
قالتلو حرفياً : هيدا شيك، معك من الدولار ل ١٢ مليون دولار ، بتاخدو و بتتزوجني..
بيرد عليها حرفياً : بس انا عندي ولدين يا فلك..
بتجاوبو حرفياً : انا عندي اربعة من هالخنزير و رح اتركهون منشانك..
بياخود شيك ال ١٢ مليون دولار منها، و بينتظرها لتمشي من الحارة ، و بياخود مرتو و أولادو و بيهربو على باريس، بتلحقوا لهونيك..
بيهرب من فرنسا على اميركا ، بتلحقوا لهونيك..
لحد ما اجا اليوم اللي شافت شلفون غيرو علّقت عليه، و اتزوجتو بعد ما طلّقت قصي أصلان..
و احزروا شو ؟؟؟؟
فراس بدرة اليوم ما زال في بيروت شريكو لقصي أصلان في شركة تجارية ضخمة ، و ما كأنّوا صار اللي صار بين الست و زوج الست و عشيق الست و ضرّة الست..
و لسّا قولو ايها السوريين انّو بيت الاسد ما بيجمعوا الناس ببعضهون..يعني لولا فلك الاسد ما كنّا شفنا اليوم :
شركة العاشق و الزوج لتجارة القرون المغفلة..
