مين اللي من المفترض يسأل وينن!!! نحنا ام انتو؟؟

تفنّن الشبيحة بالتلات سنين الماضية بالحملات و الوقفات الذكية اللي ابتدعوها كرد فعل على احداث خارج حدود عقولهون..brainshiting
فمن حملة ” من طيزي ” اللي أطلقها مجموعة من قرود القرداحة ، الى حملة ” على أجسادنا ” اللي قام فيها المتثاقفين على تخوم جبل قاسيون ، و اليوم ظهروا علينا بحملة جديدة خلنج وكالة موديل ٢٠١٤ أطلقوا عليها اسم ” وينن ” كناية عن بحثهون عن جيف قتلاهم و مصير معتقليهم..

مين اللي من المفترض يسأل وينن!!! نحنا ام انتو؟؟
وينن ضمائركون لمّا برمتوا ظهوركون لأهلكون و بعتوها للشيطان؟؟؟
وينن عقولكون اللي حدودها بوط الاسد شمالاً و مستقبل اولاد الاسد جنوبا؟؟؟
وينن قلوبكون اللي قطعتوا عنها الدم و تركتوا شرايين السم تدخل فيها ؟؟
وينن عيونكون اللي ما شافت ميّات آلاف الشهداء و ملايين النازحين و صور العذاب في خيم اللاجئين ؟؟

ما في شك انو عندكون ضمير ليحكم ، و عقل ليقرّر، و قلب ليحس ، و عيون لتشوف، و لكن توزيعها الجغرافي جاية غلط على أجسادكم و العياذ بالله من هيك خلقة ..
فضميركون بقفاكون، و عقولكون أسفل أقدامكم ، و شرايين قلوبكم في أمعاءكم الغليظة، و عيونكم خلف رؤوسكون ما بتشوف سوريا الا ببعد واحد..

بس اذا كان و لابد و مصرّين تاخدوا جواب عن سؤالكم اليوم ، وينن المعتقلين و وينن جثث أولادكم؟؟؟
شخصياً بعرف الجواب بس ما فيني قولو ، فتربيتي المنزلية ما بتسمحلي قلكون وينن..

About زياد الصوفي

كاتب سوري من اللاذقية يحكي قصص المآسي التي جرت في عهد عائلة الأسد باللاذقية وفضائحهم
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.