Fakhri Abdoun
عم يقولو العيد بعد 3 أيام و أنو رح يمر على كل البلدان..
بس وقت يوصل ل”سوريا” رح يوقف عالحدود..
رح يصفن مع حاله ويقول…
كيف بدي فوت ع بلد
بكل بيت فيه حزن ع شهيد ..
كيف بدي مر على شعب ماضل فيه حدا إلا وخسر انسان غالي عليه..
ياترى فيني رجع البسمة اللي صرلها 5 سنين
وشهور وايام ما ارتسمت ع شفاه حدا فيهم ..
كيف بدي ادخل ع شعب زهوره دبلت واستشهدت وربعه هاجر وربعه نازح والربع اللي ضل ببيتو…. كل يوم عم يموت الف موتة ..
وهيك ضل العيد واقف ع الحدود..
عم يفكر , كمل طريقي بدون ما مر ع سوريا !!؟ ولا مر ؟؟ ..
و ضل العيد محتار ..مع أنو قلبو عم يغلي متل النار ..
كيف كل البلدان رح تعيد ..إلا سوريــــــــــــــــــــة عم تستشهد
….
وانا بقلك اذا مريت علينا ياعيد :
ياعيد لا تجي هالمرة لحالك !!
لا تخلينا نبكي الدم قبالك !!
جيب معك الأمــــــــــــان وإنت جايه ..
في بقلوبنا ألف حكاية وحكايه ..
لأهلينا ولأولادنا اللي جايه ..
…
ياعيـــــــــــــد والله من القهر تعبنا ..
وقلوبنا من الحزن دابت ودبنا ..
ضعنا بالدنيا وتاهت مراكبنا ..
رجّع معك السعادة لهالبلد ..
بدل الدمعة ضحكة للولد ..
ياعيـــــــــــــــــــــــــــــــــد
هي سوريا اللي الله حاميها ..
ويلي الحضارات كلها مرت عليها ..
وعمود النــــــــــــــور منصوب فيها ..
طل عليها بفرحه لا تسخى فيها ..
…….
يااللــــــــــــــــــــــــــــــــــــــــه
خلي العيد يفرّح هالبلد الحزين ..
خلينا نكّبر تكبيرات العيد ونحنا بعودة الأمــــــــــــــان محتفلين ..
قولوا آمـــــــــــــــــــين ياأرحم الراحميـــــــــــن ..
اللهم آميييييييييين.
يااااااااااااااارب.