هزوان الوز وزير التربية الاخونجي قال بده يطور مادة الديانة بالمدارس ما بده يلغيها

هزوان الوز وزير التربية الاخونجي قال بده يطور مادة الديانة بالمدارس ما بده يلغيها .
بالله شلون بدك تطورها ؟ تعملهن لوكيشن حج افتراضي ؟ تدخل رسم الجنة و جهنم عالمادة ؟ تخبي كل ايات القتل و الاحاديث وقصص الشوي و قلع العيون و طبخ الناس احياء ؟
قال سبب الارهاب انه الناس مو فاهمة دينها و بده يفهمهن عالاصول
لك سبب الارهاب تقصيركن بحق الشعب لصاروا ينباعوا و ينشروا لأي حدا بيدفع .. سبب الارهاب هو استخفافكم بمواد العلوم و التكنولوجيا و الموسيقى على حساب التاريخ و القومية و الديانة اللي ما زلتوا متشبثين فيهن لتحافظوا عالشعب نائم بالماضي بين قبور الميتين .
سبب الارهاب انه ما عنا فريق رياضي يوصل للعالمية بسبب سرقاتكن .. ما عنا شب بالجيش مأمن ععيلته بسبب معاشاتكن البتهوي .. لك حتى الدراما لولا الدعم الخليجي الها لكانت بالحضيض .
فهمت شي ليش الشعب عنده قابلية للارهاب يا اخونجي ؟
لك بكل العالم الدين و الايمان علاقة شخصية بالخالق بتتم تنميتها باماكن العبادة الخاصة فيها مو بالمدارس يا حكومة سلفية متخلفة .
هزوان الوز انت المفروض سوري قبل ما تكون مسلم و المفروض تكون مصلحة سوريا قبل دينك .
#حاربوا_ارهاب_الحكومة