من مالو ..يهدى لو!

8-5-2016
حمدو يقول لعبدو: والله محروق قلبي على هل أيتام ولاد جارنا المرحوم فخري…الرزق رزق أبوهن (أبوهم) وعمّن (عمهم) عميتحنن عليهن منّو.
عبدو: لاحول ولا قوة إلا بالله…قال من مالو يهدى لو….من جمعة شفتو لسمير أكبر ولاد فخري وسألتو عن أوضاعن بعد وفاة أبوّن..رد علي: مال أبونا وعبصير علينا صدقة يا عمو..ما بيعطينا عمي القرش ليطالع عيوننا بالطول وبالعرض..قال إشو هو مؤتمن.
حمدو: الحق على فخري ألله يرحمو…عجزت وأنا أقللو يافخري دير بالك على صحتك.. في برقبتك قطع لحم..لسة سمير.. ألله يخليلك ياه.. ما طبّق السطعش…وهو يجاوب “الأعمار بيد الله”.
عبدو: يا أخي ما اخلتفنا بس كمان سيدنا محمد قال: “إعقل ثم توكل”.
حمدو: يالله كلها سنة وبسترد سمير مال أبوه.. وإذا في شي للعم بناولو ياه: هادا مالَك والله بدالَك.
عبدو: انشالله يطلع سمير قد هل حمل.