مجتمع لا يستفزة منظر الزباله في الشوارع لكن يجننه منظر انثى جميله وبيترجم مباشرة الجمال لعهر

منقول:
انك تكون كاره للحياة والجمال والبهجه دة حقك ، لكن اللي مش من حقك انك تفرضة علينا
نادية الجندى امرأة تخطت الـ70 من عمرها ومع ذلك مازالت محتفظه بجمالها ونضارتها وانوثتها ، ودة للاسف شئ مكروة جدا في مجتمعاتنا المحافظه علي التشوة والقبح وثقافة الموت
نادية مؤخراً شيرت صورة ليها بتجمعها بأبنها الوحيد هشام عماد حمدى
وبمجرد نشر الصورة اتحولت الصورة دى لسلاح هجوم عليها من ناس بتدعوها لهجر الحياة وتبني ثقافة بُغض الحياة ، والكفن الاسود ، وانتظار الموت علي احر من الجمر
وانها ازاى مخلفة رجل في السن دة ومش مكسوفه تكون بالمظهر دة
بس هنستغرب ليه من مجتمع اتبني ثقافه القبح المعادية للجمال بكل صورة
مجتمع مش بيستفزة منظر الزباله والقاذورات والمجاري في الشوارع ، لكن اللي يجننه ويستفزة منظر انثي جميله انيقه ماشيه في الشارع وبيترجم مباشرة الجمال لعهر
فنانه مهتمه بشكلها وجمالها واناقتها حتي ولو كبرت في السن ايه اللي يستفز الجمهور في كدة !!!
ناديه امراة تجاوزت ال70 لكن مازالت شابه ، شباب الجسد والروح ودة اللي اغضب جمهورها ، اللي في منهم مازال في العشرينات واصابته شيخوخه جسديه وعقليه وروحية
ناديه وغيرها مش بيمنعوكم تعيشوا في السوداويه بتاعتكم ، ولا طلبت منكم تتخلوا عن ثقافة الموت وكراهية الحياة ، ولا اجبرتكم تكونوا انسانيين وتعيشوا حياتكم وتستمتعوا بيها ، ولا قالت اللي مش هتعيش الحياة علي مزاجي هتكون عاهرة ومن حقي أأذيها واتحرش بيها
يبئا ذوقياً انكم تسبوها في حالها تستمتع بحياتها زى ما هي حابه طالما لا بتأذيك ولا بتضرك في شئ ، ولا بتحرض عليك
#العلمانية_انسانية #العلمانية_هي_الحل #صوت_العلمانية