متل ما الشر بيبلش من شخص وبتصير عدوى .. كمان الخير

اروع 5 اشياء صارت معي بهالشهر و حابة شارككن فيهن :
3 اشخاص واحد باميركا وواحد باستراليا وواحد بتركيا ، الثلاثة ساعدوا ناس عصفحتي و الثلاثة خبروني انه شغلهن تضاعف و مسحوبهن زاد اضعاف عن لما ما كانوا يساعدوا .
شب رابع ساعدناه من فترة بتأمين دوا لزرع الكلية لمدة سنة ، فات خبرني انه قربت سفرته و مارح يبيع الدوا الباقي عنده بده يتبرع فيهن لحدا محتاج .
و الخامس اذا بتتذكروه نشرت من اكثر من سنة انه بحاجة مصاري و مستعد يبيع كليته لو كلفه الامر و محيت البوست بعد 5 دقايق لانه اتهموني بتجارة الاعضاء و دخلت عالخاص لعند الشب و قلتله رح تفرج عليك لا تبيع شي ربنا ما رح يتركك .. اليوم دخل عالخاص و كان حابب يتبرع بمليون ليرة لحالة قراها عصفحتي بس قلتله مافي داعي لانها تأمنت و كنت سعيدة كتير لما عرفت انه ربنا باركه و ما اضطر يبيع كليته و بدل المحل عطاه ربنا 4 و تزوج و رح يصير اب .
دائماً ربنا بيثبت للكل انه ما بيخلي حدا يكون اكرم منه .. وانا سعيدة جداً لانه في امور ربنا بيشتغلها بالخفاء اعظم بكتير من كل شي منحس حالنا عم نشتغله ..
حاسة انه منكن كتار هنّ العيلة الكبيرة ل ماغي
عم بنشر هالشي ليفهم البعض اللي بيضل بيسألني : شو بدك بوجعة هالراس؟ .. فهمتوا هلق ليش ؟
متل ما الشر بيبلش من شخص و بتصير عدوى .. كمان الخير مع الفرق انه بالخير ربنا بيبارك .
كل طالب ساعدناه بدراسة او طفل بعملية هدول هن اطباء و مهندسين سوريا المستقبل اللي رح يعملوا شي يمكن نحن ما نلحق نعمله .
‫#‏محبتي_للكل‬