في مجال اسأل سؤال ديني بحت بلا ماحدا يردح و جاوبوني بمنطق لانه رح يصيبني انفصام عاطفي بسببكن ..
بشوف قطع روس و همجية و ثقافة الغاء الاخر و شوفينية و استعداد لسلب الاخر كل حقوقه حتى حقه بالحياة تحت اسم الاسلام فبجي لاكره المسلمين و الاسلام فبتذكر وجوه تعرفت عليها و اصدقاء مسلمين قمة بالطيبة و الاخلاق و الوفاء و بيقولولي ديننا مو هيك و فعلاً القرآن بحد ذاته هو صورة طبق الاصل عن التوراة مثلاً و رغم هالشي اليهود ( كشعب مو كسياسة حكومة و جيش ) هن الاكثر سلمية حول العالم .
قالوا انه المشكلة بتفسير القرآن و صحيح البخاري و الطبري و روايات عن النبي و الصحابة غير صحيحة و فعلاً لاحظت انه القرآنيين ناس مثقفين انسانيين على عكس اتباع الشيوخ و التفسيرات و الاحاديث بمعظمهن .
السؤال : ليش ما بتنبذوا اي شي ماعدا القرآن ؟ اذا القرآن يدعو للمحبة و الرحمة ليش ما بتطبقوا اياته ؟ ليش ما بيجتمع مثقفي الاسلام المحترمين و بيقرروا ثورة تصحيح للاسلام من الفكر الوهابي السلفي ليحموا اسلامهن و مسلميهن من ابادة جماعية اتية لا محالة بتصحيح مسار الاسلام و ( ليس ) بعملية تعتيم عالعيوب و شطف الدماء بعد كل مجزرة .
عم بسأل بمحبة لانه حطيت حالي محلكن و صدقاً اذا بشوف فئة عم تجيب اللعنات و الشتم لديني و رح تتسبب بموتي وموت ملايين من المساكين لكون اول شخص بيحاول المستحيل ليبيدها عن الوجود .
لانه اليوم مافيك تتخلص من اللي عم يلعنك و يكرهك ، بس لازم تتخلص من المحسوبين عليك اولاد دينك وهن سبب مصايبك .
سبب البوست :
خبر اليوم عن امرأة ب /طنطا ، مصر / اغتصبها جارها ( الحاصل على ليسانس بالشريعة الاسلامية ) لانها منعته من دخول بيتها بغياب عائلتها فضلاً عن انه قطع ايدها بسكين و مزق رحمها .
ليش ما بيجتمع مثقفي الاسلام المحترمين و بيقرروا ثورة تصحيح للاسلام من الفكر الوهابي السلفي ليحموا اسلامهن ومسلميهن
