Salwa Zakzak
بتموت سيدة حلوة بيقولوا مو حرام هالجمال ينحط تحت التراب..بتموت سيدة مو حلوة حسب تصنيفن بيقولوا هنن واقفين عم يقروا النعوة الله يعين عزرائيل عها الشوفة…
بيكون الزلمة كريم وحباب وودود وحكيو بيفوت عالقلب دغري..بيقولوا عم يعوض عن شكلو البشع..
بيموت شب كتير حلو بيقولوا عزرائيل بيحب الحلوين..
بيكون في اختين سمرا وشقرا..دغري بيقولوا صحي سمرا بس مزكاية او مهضومة..والشقرا خلص آخدة طابو..
بيكون في سيدة طيبة وبتسامح بيقولوا خوتة وعنياتها..بيكون في ست مبوجقة بس حلوة أو غنية بيقولوا والله بيطلعلها…
من اول دقيقة بالحياة اسمنا بنات والصبي اسمو ولد..بيقولوا عندو ٣ بنات وولد..مو أربع ولاد..
مبارح سمعت جملة بتقول البنت لبيت حماها الا اذا التعنت..يعني اذا عشقت او انتهمت بهيك شي..يعني كمان وقتها بترجع لبيت أبوها ليدبحها..وكلنا منقول خرجا وتسلم إيدو…
وقال شو؟ كلنا منزعبر ومندعي اننا حقانيين……