العرس البوطوقراطي السوري..
اهل العريس :
قويها…يا أسد شبّيك لبّيك..
قويها… سوريا كلها ملك إيديك..
قويها… ما سامع صوت العراعير؟؟؟
قويها… حرقناهم فدا رجليك..
اهل العروس:
أويها… و نزل عريس الغفلة عالساحة..
أويها… و عروستنا مانها مرتاحة..
أويها… شبيحة و نبّيحة و عبيد..
أويها… ليحيّوا جحش القرداحة….
اهل العريس :
قويهاااا.. يا بشار شو هالشبوبية!!!
قويهااا.. ما بتلبقلك العزوبيّة..
قويهااا.. و بالصرماية جايين ينتخبوك..
قويهااا.. جكر بقطر و السعوديّة..
اهل العروس:
أويهااا.. اتهنّى يا بشار بالشبيحة و بالعبيد..
أويهاا.. نار جهنم رح تصرخ هل من مزيد..
أويهاا .. عريس ما منعرف مين أبوه!!!
أويهاا.. حافظ أسد او صلاح جديد..
اهل العريس :
قويهااا.. بلا حرية بلا كرامة..
قويهااا.. ولك بلا ديمقراطية بلا سلام الحمامة..
قويهاا.. بيكفينا صبّاطك يا أسد..
قويهااا.. لنعمل منّو شعيبيات و عوّامة..
اهل العروس:
أويهااا..شو هالعرس اللي بلا عروس..
أويهااا.. ما شايف الا ضعاف النفوس..
أويهااا.. انتبه على حالك يا عريس..
أويهااا.. غير عراسك ما رح ندوس..
و خلصت الزفّة ، و خلص العرس و خلصوا أغاني علي الديك ، وماتوا المعازيم من الجوع، و مات المخرج من الملل، و انطفى المصوّر من السكر، و هالعريس بعدو ناطر لتجي العروس ، بس عروستنا بغرفتها ما بتنزل، لانّو كريمتنا سوريا ما بتروح شريدة..
زياد صوفي زلمة بيت الاسد هلق صار يحكي ويتفاصح … ماعيب عليه عيب عالموقع “المفكر” يلي نشر هيك مقال تافه
الاستاذ زياد الصوفي كاتب سوري معارض محترم ومبدع فضح شبيحة عائلة الاسد المجرمة بكل صدق وشفافية وهو ليس زياد الصوفي التي تتحدث عنه,,, والذي كان من زلم عائلة الاسد .. هذا مجرد تشابه للاسماء… ولاسوا الاحوال لا يعيب الانسان ان يتراجع ويعود للحق