Salwa Zakzak
قللي المسلم بيغشني وانا مسلم متلو..بس الأرمني والمسيحي مابيغشوا..حاولت قلو انو الضمير مالو علاقة بالطايفة ماقبل. وقال هو عم يحكي عن خبرة..حاولت قلو انو الأرمني مسيحي كمان، قللي اني مخربطة وحكي مو مزبوط، قلتلو في كتير مسيحية غشاشين قللي إنما الأعمال بالنيات..
لف يمين يلف شمال..حاولت احكي عن الشوب والمي والخضرة والبطيخ ،قللي هي من صغائر الأمور والله عم يجربنا!
آخر شي قلتلو حسبي الله ونعم الوكيل ماشبع تجارب فينا يعني..قللي استغفري ربك واستغفرته بكل خشوع..
صرخ قللي يعني انت مسلمة؟ قلتلو نعم وعشوي بنطق بالشهادة ليصدق..قللي وانا عم لف ودور مشان أهديكي للإسلام.. …
مدري غلبتو؟ مدري ضحك علي؟ مدري كلنا واقعيين ببير مالو قرار.. لاشمال ولايمين..جورة ويا لطيف قديش غميقة…