منقول: والصورة ارشيفية
أول فيسبوك عملتو بحياتي كان عام 2013
ولأن أخي وليد كان يتدخل بأدق التفاصيل تلك الآيام ، قمت على قد مو مفتحة ساويت حسن صبي وعملت حساب تاني بإسم شب على أساس أرتاح من المراقبة الأبوية تبع وليد
وحطيت الاسم بالحساب : سليم أبو كرش
وصرت أنا ووليد أصدقاء مع سليم أفندي أبو كرش .
وبهيدي الطريقة كل ما حدا دايقني بتعليق مو حلو وأنا على اسم ريم ، روح من حساب سليم أردح عليه وسبو على راحتي ليشتفي قلبي منو
ومرة إجاني وليد معصب وهوه عم يقللي : ناس قليلة أدب ومو مرباية ، ليش أصدقاء على صفحتك .
سألتو : متل مين
رد : سليم أبو كرش اللي بيضل لازق صفحتك ، هاد واحد مو مربى وسوقي وسفيه ومنحط ، هلئ هلئ بدك تلغي صداقته وتعمليلو بلوك .
المهم بلا طول سيرة ، بلّكت حالي وانتهت القصة .
أما الحساب فقد أقفله الفيسبوك بعدها بأقل من شهر على كترة التبليغات .
??
