طفلة 9 سنوات لابسة شورت في شوارع القاهرة

البوست +18
الصيف اللي فات، صديقة طلبت مني اخلي بنتها معايا يوم، لان عندها شغل ومسحوله، ما فيش مشاكل البنت اصلا لطيفه وبتحبني
ازيك يا لولو تحبي نفطر ايه؟ من هنا لهنا وصلنا اننا ننزل السوق نجيب سلطه وطعميه واخر درمغه بقى وننبسط، تمام
البنت اللي عمرها لا يتجاوز ال9 سنين ومدكوكه في الارض لابسه شورت، ما عادي تلبس شورت امال حتلبس نقاب يعني ….بس تصدق بقى طلع مش عادي
اول لقطه في اليوم السعيد كانت مع الست البياعه اللي على ناصية سوق باب اللوق من شارع الفلكي، الست العجوزه الرزينه، بصيت للطفله (بكرر ذات ال9 سنوات) وقالت لها “ينفع كده يا حلوه، مش ندارى لحمنا اللي متعري ده”!!
طبعا انا صعقت من استخدام نعبير جنسي من نوعية لحمنا ومتعرى لطفله مش باينه من الارض، المهم هبشت الست، جت تشغل لي اسطوانه الدين النصيحة، سبت لها ميت دين عادي ، اتكتمت
في نص اليوم قررنا نروح ناكل سمك، المسافه من بيتي في الفلكي لمحل السمك اللي في باب اللوق تقريبا 3 دقايق مشي، جت معانا واحده صاحبتنا، فلاحظت ان الناس ماشيه تبص بهيجان على رجلين البنت (تذكر بنتكلم عن بنت عندها 9 سنين) كدبت نفسي وقولت اكيد عندي هلاوس، ولو انها باينه بس قلت لا لا اكيد انا مرووش.
خلصنا اكل واحنا رجعين وقفت اجيب سجاير من الكشك، ما فيش دقيقة رجعت لقيت البنت بوزها شبرين، مالك يا لولو ما فيش يا بنتي مالك ، ما فيش، افتكرت صاحبتي دي انتي ضايقتيها في حاجه؟ قالت لي مش انا، ده الجدع بتاع امن الجامعه الامريكيه (واخد بالك امن) واحد صاحبه واقف معاه في مدخل الشارع فقال له “انا ممكن انيك الجوز- الصغيره والكبيره”
————————————————–
الخرى ده كله حصل لطفله عندها 9 سنين في نص يوم، بس المفروض انها تكبر وتعيش حياتها عادي، وتتوازن نفسيا عادي، في مزبلة القاهرة اللي الـ
Thomson Reuter
وصفتها امبارح بانها اكثر مدينه في العالم خطر على النساء

منقول
Hend Shagie

About أمل عرافة

أمل عرافة خبيرة فلكية مجازة من معاهد لاس فيغاس ولندن, نيودلهي, بكين وطوكيو وجنوب افريقيا, دراسات معمقة في علم التنجيم , اهم ما تنبأت به هو كارثة تسونامي, وصول اوباما الى رئاسة اميركا, وحادثة الطائرة الماليزية, كاتبة مغربية بشؤون المرأة العربية والفن
This entry was posted in الأدب والفن, ربيع سوريا. Bookmark the permalink.

One Response to طفلة 9 سنوات لابسة شورت في شوارع القاهرة

  1. Eddy says:

    That is very true , we had similar experiences in the so called most religious communities! They are so hypocrites and full of rotten lusts that cover with ugly religious shield!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.