نشرت فتاة مصرية اسمها شريهان نور الدين على صفحتها بالفيسبوك فيديو (شاهده اسفلا) دعت فيه الذكور البالغين للتبرع بحيواناتهم المنوية مقابل مبلغ مالي بالدولار هو تحويشة عمرها، وذلك بعد ان فشلت جميع علاقاتها مع الذكور, ولكن لديها رغبة في الإنجاب فقط بعد أن أصبح عمرها 35 سنة, وقد تلقت عدة طلبات خلال ساعات من شباب يوافقون على مطلبها ويطلبون تحديد طريقة التسليم والاستلام, منهم رجل دين اقترح عليها ان تصبح زوجته الثالثة.. وقد علقت على الفيديو بما يلي:” من امبارح بالليل في هجوم رهيب على صفحتي الاولى #بشتري_راجل والنهاردة حسابي اتقفل .. أنا عملت صفحة جديدة ولسه مكملة
أحلى حاجة في الدنيا الأطفال…لو أقدر، كنت جبت دستة. بس انا ماتجوزتش قبل كده، ولا عايزة اتجوز.
أنا ناجحة جدا في حياتي العملية، عايشة عيشة مريحة ومش محتاجة حد يسندني ماديا… بس بخاف قوي من الوحدة الحل الوحيد اللي قدامي إني أبقي أم.
إبتديت أسأل على موضوع تجميد البويضات علشان أطول المدة اللي أعرف أحمل فيها. المهم، وأنا بعمل تحاليل إكتشفت إن عندي مشكلة بتخلي نسبة حملي ٤٠٪ وإن كل ما الوقت بيعدي، فرصتي في الخلفة بتقل!!!! :(((( انا قررت إني أعمل عملية تلقيح صناعي مع شخص مستعد يتبرع بحيوناته المنوية في مقابل مادي…
الموضوع هيمشي رسمي: مأذون –> انبوبة معمل –> مأذون. أنا بس عايزة طفل من غير لا غرام ولا إنتقام.
