Nabila Omar Koutrieh
آخ آخ لو ترجع ?? أيام زﻣﺎن …اﻟﺒيبسي ﻛﺎن أﺳﻤﻮ ﻛﺎزوز?????
واﻟﺒﻮﻇﺔ ﻛﺎن أﺳﻤﻬﺎ إيمع
واﻟﺠﻴﻨﺰ ﻛﺎن أﺳﻤﻮ ﻛﺎﺑﻮي
ﻛﺎﻧﺖ اﻷﻛﻴﺎس من ورق
ﻛﺎن ﻣﺠﻠّﺦ اﻟﺴﻜﺎﻛﻴﻦ ينادي ﺑﺎﻟﺸﺎرع
ﻗﺒﻞ ﺷﺮاب اﻟﺘﺎﻧﺞ ﻛﺎن اﻟتوت الشامي والتمر هندي و السوس والجلاب
زﻣﺎن ﻛﺎﻧﺖ اﻟﻌﺮوس ﺗﻘﻌﺪ ﺳﺎﻛﺘﺔ ﺑﻌﺮﺳﻬﺎ وأم اﻟﻌﺮوس ﻋﻴﺐ ﺗﻀﺤﻚ
زﻣﺎن ﻛﺎن اﻟﻌﻄﺮ اﻟﻤﻔﻀﻞ اﻟﺒﺮﻓﺴﻲ او رﻣﺎج اﺑﻮ ﻋﺼﻔﻮرﻳﻦ والأولد سبايس و التاباك
زﻣﺎن ﻛﺎن اﻟﻠﻲ ﺑﺮﺑﻲ ﺷﻌﺮ ﻳﺴﻤﻰ ﺧنافس واﻟﺸﺮﻃﺔ ﺗﺤﻠﻘﻠه اياه
زﻣﺎن اﻟﺒﻄﻴﺦ كان ﻣﻼن ﺑزر أسود
زﻣﺎن اﻟﺮﺣﻠﺔ ﻧﻘﻌﺪ أﺳﺒﻮع ﻧﺤﻀﺮ ﻟﻬﺎ
واﻟﻜﻴﻮي ﻣﻠﻤﻊ أحذية ﻣو ﻓﺎﻛﻬﺔ
ﻛﺎن اﻟﺘﻠيﻔﻮن القرص اﺟﺖ اﻟﺤﺮارة وﻻ ﻟﺴا ومافي كاشف نقعد نتحزّر ياترى مين اللي عم يتصل
ﻛﺎن اﻟﺮادﻳﻮ اﻟﺘﺮاﻧﺰﺳﺘور ﺻﺪﻳﻘﻨﺎ اﻟﻤﻼزم ﻟﻨﺎ ﺧﺎﺻﺔ ﺑﺮﻧﺎﻣﺞ ﻟﻘﺎء اﻟﻈﻬﻴﺮة وسهرات أم كلثوم
ﻛﻨﺎ ﻧﺸﺘﺮي اﻟﺒﻄﻴﺦ ﺑﺄﻋﺪاد ﻛﺒﻴﺮة ﻧﻀﻌﻬﻢ تحت التخت ونبردهم بالبحرة بأرض ديار
ﻛﺎن اﻟﺘﻠﻔﺰﻳﻮن ﻳﻔﺘﺢ اﻟﺴﺎﻋﺔ 3 وﻳﻐﻠﻖ 12 ومحطة واحدة أو اثنتين و دور عالأسطوح بهالأنطين
ﻛﺎﻧﺖ ﻣﺠﻠﺔ أسامة بربع ليرة ﻣﻊ ﻣﻠﺤﻖ و ميكي والألغاز بليرة أو ليرتين.
اﻟﻘﻀﺎﻣﺔ اﻟﻮﻗﻴﺔ ﺑفرنك بس قضامة على كيف الكيف ?
زﻣﺎن ﻛﺎﻧﺖ أﻟﻌﺎﺑﻨﺎ اﻟﻤﻔﻀﻠﺔ ﺳﺒﻊ ﺣﺠﺎر ، طرة ولاّ نقش ودحل و بارودة خردق و نقيفة وبلبل و حبلين.
صارت ﺳﻜﻮﺗﺮ ﺳﻴﺎرات أﺳﻼك ﻃﻴﺎرات و أتاري وبلي ستيشن
زﻣﺎن ﻛﺎﻧﺖ اﻟﻤﺴﻠﺴﻼت اﻟﻤﻔﻀﻠﺔ ﻋﺎزف اﻟﻠﻴﻞ وﺻﺢ اﻟﻨﻮم وﺷﺠﺮة اﻟﻠﺒﻼب و ستيف أوستن والسيارة العجيبة وشيب وكوجاك… .
زﻣﺎن أي واﺣﺪ ﻳﺮوح ﺳﻮرﻳﺎ ﻻزم ﻳﺠﻴﺐ ﻣﻌﻮ ﺑﺮازق وغريبه وعجوة
واﻟﻌﺮاق ﺣﺮاﻣﺎت وﻣﻦ اﻟﺴﻠﻮى
وﻟﺒﻨﺎن ﻟﺒﻨﺔ ﺷﺘﻮرا وﺑﺴﻄﺮﻣﺔ ﻣﻦ ﺑﺮج ﺣﻤﻮد أو ﺑﺴﻜﻮت ﻏﺮاوي وﻏﻨﺪور
زﻣﺎن ﻛﺎن اﻟﻠﻲ يﺮﺟﻊ ﻣﻦ اﻟﺴﻔﺮ ﻻزم ﻳﺠﻴﺐ ﻫﺪاﻳﺎ ﻟﻠﻜﻞ
وﻟﻤﺎ ﻳﺴﺎﻓﺮ اﻟﻜﻞ ﻳﺬﻫﺐ ﻟﻠﻤﻄﺎر ﻟﻠﺘﻮدﻳﻊ ﺑﺤﻴﺚ ﻳﻜﻮن ﻋﺪد اﻟﻤﻮدﻋﻴﻦ أكثر ﻣﻦ اﻟﻤﺴﺎﻓﺮﻳﻦ
زﻣﺎن ﻛﺎن اﻟﺨﻴﺎر واﻟﻜﻮﺳﺎ واﻟﺒﻄﻴﺦ واﻟﺒﻨﺪورة ﻣﻮاﺳﻢ
واﻟﺒﺎص الهوب هوب ﻛﻞ ﺷﻲ ﺑﺰﻣﺮ ﻓﻴﺔ ﻣﺎ ﻋﺪا اﻟﺰﻣﻮر
زﻣﺎن ﻛﺎﻧﺖ اﻟﻀﺤﻜﺔ ﺣﻠﻮة واﻟﻨﺎس ﻃﻴﺒﺔ وﻋﻠﻰ اﻟﺒﺮﻛﺔ والكل بيحب الكل والخير مالي الدنيا.
زﻣﺎن ﺻﺤﻮن اﻷﻛﻞ ﺳﻴﺮﻓﻴﺲ ﺑﻴﻦ اﻟﺒﻴﻮت رايحة جاية
زمان كنت تفوت على مجلس تسمع من كل واحد قصة بتجنن ونكت وفرفشة والكبير كانت كلمته كلمة هلأ بتفوت على مجلس بتلاقي كل واحد ماسك هالموبايل ونازل بهالفيس والواتس أب ومابتسمع صوتو يا حاططلي هالسماعات بأذنه وعم يرقص وماحدا فهمان شي
زﻣﺎن ﻛﺎن اﻟﻘﻤﺮ أﺣﻠﻰ واﻟﺴﻤﺎ أﺣﻠﻰ واﻟﺤﺐ أحلى والرفقة أحلى والضحكة أحلى والبسمة أحلى واللقمة أحلى وكل شي أحلى وأحلى وأحلى
يارب ترجع القلوب مثل زمان لترجع الأيام مثل زمان
والضحكة ترجع تملى المكان يارب.
يارب رجعلنا الأمان للشام و سوريا أم الكون وأغلى وأحلى بلد يا جنة الله عالأرض.