أب اميركي يجمم طفله الرضيع وزوجته تراقب مبتسمة
حكاية الحَمَّام في ذكريات السوريين ? -منقول-
حدا بيعرف لما كنا صغار ليش كنا نكره الحَمَّام ؟!!!!_ انا بقلكم ليش ?
لأنو إمهاتنا الله يسعدهن كانوا يعذبونا تعذيب لماّ كانوا يحممونا ?. عليم الله لمّا كانت امي تقلي قوم عالحمام. قلبي يوقع من الخوف ? طبعاً رحلة العذاب تبدأ من تشليح الأواعي ? تشلحني الكنزة كأنك تقول عم تنتف جاج ? وأداني كل وحدة تروح بجهة وقت الحمام لازم ضل قاعد قرفصة ? طيب يا حجة اقسم بالله ركبتي وجعتني ! عالسريع باكل طيارة واخراااااس .?? لأ ….ولاّ المي ? يا حبيبي ع المي لازم تكون تحت درجة الغليان بدرجة ?
ماما و الله جلدي تختخ و انبأط من السخونة !ولاّ لمّا تفرك راسك ? تقول بدها تطالع المارد ?منو والراس بيروح يمييييين و يسااااااار ! وأحلى شغلة لما تْنَزِّل الصابون على وجهك ! وقال يعني بدها تنظفو ?
للعلم حجة إنتي عم تغيري معالم وشّي! وكلو كوم و لما تمسك منخارك و تقول نففففففففف? طبعاً أنت تتنفس من إدنك لانو جميع مسالك التنفس مسكرة أصلاً ???? منجي لفقرة التلييف ???
إيييييه عليّ ما عليّ منظر دعك الصابونة بالليفة لحالو بجيب شلل الأطفال ? يا بنت الحلال إنتي عم تليّفي بني آدم و لاّ عم تبرشي جبنة ? طبعاً و الحمام بالدور و الكبير قبل الصغير وبعد الحمام تتطلّع بالمرايه و تلاقي البخار عم يطلع منك متل وقت تفتح طنجرة الضغط ? وأصابيعك مجعلكين جعلكة و جسمك أبيض و أحمر ?? الله يخلّيلنا نبع الحنان و لا يحرمنا منهن إذا عايشين … ويلي فارقونا لديار الحقّ، الله يتغمدهن برحمته ويجعل مأواهن أعلى جنان ! ويجزيهن عناّ خير الجزاء اذا كنت سوري فاكيد عشت هالتجربة …..
.?..عن سوري يعشق أمه ?…. الصورة لأميركي يحمم رضيعه شاهد الفيديو هنا للمقارنة: فيديو يسلب القلوب لرجل يحمم رضيعه
