#مكاريوس_قلومة كاهن في بطركية #الروم_الكاثوليك في #دمشق يجمع الناس لمسيرة احتجاج امام البطركية من اجل اغلاق محلات المشروب حفاظاً على قداسة شارع البطركية و لمنع هجرة المسيحيين كما يقول .
يا حجي مكاريوس من ايمت المسيحيين بيهاجروا اذا انفتح بشارعهن محل مشروب ؟ وليش ليجوا لعندك يحطوا بيوتهن للبيع ( مكتبك بالبطركية بيفتح مكتب عقاري بعد الضهر ؟ )
ما مرق معك انه المسيح اتى من اجل الخطأة و المرضى و ليس لأجل الاصحاء ؟ ما قريت انه غفر خطايا الزانية و بارك بنفسه الخمر في عرس قانا الجليل و جلس هو مع العشارين و شاركهم طعامهم و شرابهم ؟(شاهد الفيديو اسفلا)
اذا المسيح وهو اقدس من في السماء و الارض بارك الخمر جايي انت و بطركيتك المصنوعة من حجارة تقولوا بتتلوث قداستكن بهالمحلات ؟
قداستكن ملوثة سلفاً باعمالكن .. و اكيد يا حجي ما قريت ماسبق بالانجيل لانه اللي مثلك بيعينوه بالواسطة مو باجتهاد ايماني و روحي .
((( نسيت خبركن انه سبب هالاعتصام اللي اعلن عنه الخوري هو فقط لخناقة بينه وبين صاحب احد المحلات فصارت القصة تكسير روس و حولها الخوري ( الذي يعرف من اين تؤكل الكتف ) لقضية رأي عام )))
ورسالة محبة مني الك مكاريوس : اوعك ترد عمنشوري لانه الرسائل عندي عليك بتشيب شعر الراس و اللي مانعني انشرها هو فقط الثوب اللي لبسوك ياه .. وهي نصيحة اخوية مني نادراً ما اعملها ?
حل عن سما الناس اللي عم يسترزقوا و يعيشوا عائلاتهن من ورا هالمحلات احسن ما يجي مين يحولك انت لقضية رأي عام و يقطع برزقتك ..
