جِدّي جِدّي يا جِدّي

جِدي جِدي …يا جدي
ماعرفوا مزحي من جَدي
بُكره بتسمع من هالناس
ليش الحكومه ضدي؟
مع إني إنسان إكثير
رائع مشهور بودي
بسمع عن حالي أشياء
عمرا ما كانت عندي
حبيتك يا بنت الناس
أجمل منك ما بدي
أغلى من وطن الأحرار
حطّت إيدك ع زندي
حبك قدري ما بنساه
قدري مكتوب بيدي
حبك عندي روح وقلب
حبك مش تنك مِصدي
ناشر رسمك بين الناس
في الصحف… و دار الكندي
سارح في فكري والناس

حاطط إيدي ع خدي
حطّت إيدي ع خدي
ليها معاني عندي
معناها إني مظلوم
معناها حقي :بدي
لون الزهري ع شفافك
وخدودك مثل الورد
والشعب العربي مسطول
من منظر خصرك والنهد
بحكي عن حالي والناس
بحكي عربي مش هندي
ريتك يا أم الفستان
مايبوسك حدى بعدي
تبقي ملفوفه في ثوب
أبيض مقبوره حدي
جِدي جِدي يا جِدي
بان الغضب ع جلدي
الدنيا بعناها زمان
بعناها شندي بندي
سارح في فكري والناس
حاطط إيدي ع خدي
متخيل حالي سلطان
مش شايف حدى قدي
بمشي في الشارع أستاذ
بحكي مثل الأفندي
جدي جدي يا جدي
ليش الحكومه ضدي؟