تفووو عليك بقبرك ياحافظ الاسد شو عملت بالسوريين .

Bassam Yousef
 فشة خلق ..
بيكون عنصر بالمخابرات، بيقضي حياته كلها بظلم الناس والسرقة، بيعيش بالمخالفات، وبيسرق الكهربا والمي، وبيسرق مطبخ القطعة العسكرية اللي بيخدم فيها، وبيشترك او بيشتري ميكرو او تكسي منشان يشغلو بقسائم الوقود اللي بيسرقها و..و… وبيعمل السبعة وذمتها وبس يطلع ع التقاعد بيرجع على ضيعتو ياحزركن شو بيشتغل ..؟؟ بيعمل شيخ .
بيكون استاذ مادة ما … بيضطر لحتى يعيش يضل داير من بيت لبيت ليعطي دروس خصوصية، وممكن يشتري بسكليت بالأول لسرعة التنقل وبيتطور وبيشتري سيارة وبتصير ساعة التدريس تبعو أغلى، بيعتبر مهمته الوحيدة هي كيف بيخلي الطلاب تجيب علامات بالفحص وما تبقى مو مهم ، مو مهم شو كرس عند هالطالب من اساليب تحايل وخداع، وقديش فعلا قدم علم لهاد الطالب ..المهم الطالب ينجح وهوي يقبض… ولما بيتعب وبيطلع عالتقاعد شو بيشتغل ياحزركن…؟؟ يا شيخ يا محلل سياسي أو وجيه اجتماعي.
بيكون دكتور مختص بمرض ما … بس يخلص من عيادتو آخر الليل بيضب الغلة متلو متل أي دكنجي وبيتصل بشلة الدكنجية اللي متلو وبيروحوا على شي مطعم بيشربوا عرق وبيحللوا سياسة واقتصاد بناء على الغلة اللي بالجيبة.
بيكون دكتور جامعة … بيبيع الاسئلة بطريقة مباشرة أو غير مباشرة ( هاد على اساس ضميره المهني حي) ، بيطلب من الطلاب يشتروا كتاب سخيف ما الو اي قيمة علمية وملطوش من هون ومن هون بس تحت العنوان حاطط اسمه بصفته مؤلف الكتاب .. وبيشتغل بعد الدوام معارض أو محلل سياسي أو بينسخ كتب بالديانة الباطنية أو..أو…
بيكون متعهد نصاب، أو بيكون موظف مرتشي أو … وبيكون قواد لكم قحبة أو …
الغريب انو اللي حواليهن بيقبلوهن مشايخ وبيقبلوهن محللين سياسيين واقتصاديين وووجهاء وزعامات … !!.
المضحك والمبكي إنو كل هالأرطة بتنجعص وبتبلش تحلل استنادا الى داعش، واللي عم يسمعولهن بيكونوا نايمين وبس انذكر اسم داعش بيفزوا متل “الاسود” وبيبلشوا يلفوا على حالهن متل جماعة “الله حي ..الله حي” ..وماعاد يطسوا شي .
ياخيي ما انتو داعش … ما انتو الوجه الاقبح لداعش … واذا كانت داعش صنيعة مصالح اجهزة استخبارات، انتو صنيعة العفن اللي براسكن، يعني انتو اخطر لانو داعش بقرار من الجهة المصنعة بتختفي ..بس العفن اللي جواتكن بدو سنين ليختفي.
شو اللي عملتو داعش وما عمل النظام السوري قدو عشر مرات؟؟، واللي عملو حزب الله وجماعة ايران يامحلا داعش قدامو … تذكروا اللي عملوه بيت الاسد منذر وفواز وهلال و..و… من سنين طويلة مو ابشع من اللي عملتو داعش ؟؟ عصابات ايمن جابر ورامي مخلوف وصقر رستم و..و.. شو بتفرق عن داعش ؟؟؟.
تفووو عليك بقبرك ياحافظ الاسد شو عملت بالسوريين .