من كم يوم دهس ابن وزير ” العدل ” السوري نجم الأحمد معتوهين من معاتيه جيش الاسد على احد الحواجز..
انتشر الخبر على صفحات قليلين الأخلاق ، و بديو زوّار هالصفحات يمارسو ديمقراطيتهون تحت سقف الوطن بانتقاد الحكومة و رئيس الحكومة على التقصير بمحاسبة الوزير و أبنو الطائش..
لحد هون كلشي مفهوم، شعب جوعان للديموقراطية بيحقلّوا يمارسها و لو بانتقائية ..
أمّا الشي المو مفهوم بالنسبة الي، الانتقاد اللاذع اللي وجّهتوا فلك جميل الاسد للوزير نفسو، و عن تقصير الحكومة بمحاسبة المسؤولين عن إزهاق أرواح الناس..
بعد ما نتفت حواجبها الصبح، و نفخت خدودها بشويّة بوتوكس، و قرطت صورة لنفسها تظهر فيه بوز البطّة الشهير عند الشبيحات ، و بعد ما دخلت للرد على معجبيها عالفيس بوك ، حضّرت نفسها و استخدمت عصارة ذكاءها لكتابة بوست عصبي لحال الفلتان الأمني و تسيّب الدولة عن محاكمة المخطئين و المقصّرين ..
يا فلك يا بنت جميل ، و يا اختو لأبو جميل..
مادام هالأد مزعوجة من تقصير ابن الوزير، طيّب ما كان أفضل نحاسب وزير الداخلية يوم اللي اتغاضى عن قطعك للسان خادمتك لأنها ردّت على تلفون عشيقك بالليل و انتي نايمة ؟؟
و ما كان الدولة لازم تحاسب وزير العدل يوم اللي غض نظر عن حرقك لوجه خادمتك ” العلوية بالمناسبة ” لانها حرقتلك بلوزتك و هيّة عم تكويها؟؟؟
و ما كان لازم الحكومة تستقيل بعد ما شلتي انتي وإخواتك جثة ابوكون جميل وهوة ميّت لتبصموه على حرمان اخوكون حيدرة من زوجة ابوكون امل النعمان من حقّو من ورثتو؟؟
و ما كان لازم يا سيدة الأناقة انو الدولة ، كل الدولة تسقط لمّا اخوكي منذر بصق بوجه محافظ اللادقية بعد شهر من استلامو لاقناعو انّو اللادقية ما بدها محافظ و اولاد جميل موجودين؟؟
طيب و شو عم تعمل الحكومة تجاه ممارسات ابن عمّك هلال الاسد و أبنو سليمان من خطف و ترهيب و نهب ممتلكات و ابتزاز لأهالي اللادقية ، أو هدول يمكن فوق القانون و لا تجوز محاسبتهون!!!!
و انتي نفسك ما استغربتي انّو كيف وزير العدل و كل قضاة سوريا ما اتحاسبوا يوم اللي اخوكي فواز قرر يعمل محامي و حط دستور قضائي خاص بمكتبو و طبّق القانون عالطريقة الاسديّة ؟؟؟
شو بدّي ذكرك لحتّى ذكرك ..
طيّب و من نفس منطقك رح أتساءل ببلاهة بشّارية عن موضوع وعدنا فيه سيادتو و اصدر فيه أوامر رئاسية :
دخلك : بعد تلات سنين عالتمام و الكمال، شو صار باللجنة القضائية اللي اتشكلت للتحقيق و محاسبة المخطئين مع عاطف نجيب في حوادث درعا ؟؟؟
الحساب الوحيد اللي رح يكون، يوم اللي رح توقعي بأيدين السوريين انتي و هالعيلة النجسة، و رح تفهمي وقتها شو معنى كلمة حساب..
يا ريتو باسل اتجوّزك و ضبّك، احسن ما ضلّيتي هيك فالتة..
تفوووووووووو على بوتوكسك يا ختيارة الجن..
