بالفيديو شابة مصرية تطلب المساعدة في قضية اغتصابها من ذئب بشري

نشرت شابة مصرية, اسمها هند شاغي عبد الرحمن تعمل في مجال العمل الخيري, على حسابها الشخصي في الفيسبوك فيديو قصة اغتصابها من ذئب بشري بعد ان خدرها بواسطة الطعام (شاهده اسفلا), وتطلب المساعدة في ان تأخذ العدالة مجراها وتقول بأن مقدم البرامج المصري وائل الابراشي سيعمل معها لقاء في برنامجه لتقول قصتها .. والى جانب الفيديو نشرت الرسالة التالية: “ساعدوني اخذ حقي من الشخص إلى اغتصبنى أرجوكم
مش عايزة حد يقولى اقابلك فى مكان خاص ولا حد يقولى انا هجبلك حقك ويكون بيقولى بس كلام انا بفكر فى الانتحار فى كل لحظة ومحدش حاسس بيا ولا الألم الجسدى والنفسي إلى بمر بيه أرجوكم ارحمو ضعفى ومتكذبوش عليا لو مش ناويين تساعدو بلاش تقربوا منى خليكم بعيد بلاش اى كلمة جارجة لأن اى كلمة هسمعها هتاذينى نفسياً وهتادى لانتحاري
الناس إلى فى الإنقاذ انتو متعرفونيش بس انا بتنقذ وبربي وكتير منكم كنت بأخذ منهم حالات وعمري ما قلت ده لو فى حد ليه سلطة أو راجل كبير يتبنى قضيتي كانى بنتو هكون شاكرة ليه انا عملت الفيديو وظهرت فيه بوشي واسمى وكل شي عنى لأن معنديش شي أخاف منو ولا أخجل منو كان ممكن البس نقاب واعمل الفيديو واخفى هويتى لكن ده كان هيكون تصرف غير أخلاقي منى وغير صريح ودي مش أخلاقي
ارجوكم ساعدوني وانا هكون ممنونة للشخص إلى هيساعدنى طول العمر
Hend Shagie”