اهل المدينة رح يمحوا منها كل اثر لعائلتكون القذرة

سبع سنين و هوّة يتعالج عند طبيب نفسي فرنسي بعد ما ابوه عمل عملة سودة معو و مع عائلتو ( ساتحفّط على ذكر هالعملة السودة في الوقت الحالي) ، بس الشي اللي عملو رفعت مع أبنو دريد جعل الأخير يستجدي مع اخوه مضر بالبقاء تحت عباءة عمهم حافظ، و عدم اللحاق بموكب رفعت الهارب الى أوروبا..
احتضنوا حافظ في اللاذقية كما أراد بعيداً عن والدو، و صار الدكتور الركن دريد ابناً لحافظ اكثر من ان يكون ابناً لرفعت ، و لهالسبب أعطاه حافظ كل مستلزمات الحياة الاسديّة من مال و جاه و رخص مطاعم و لزوم تشبيح و ما شابه..
دريد عمل على تبييض صورتو في اللاذقية من خلال بناء علاقات مع ابناء المدينة وخاصة المسيحيين منهم ، و مع بداية الثورة تحوّل هالاسدي من خطة تبييض صورتو اللي مارسها تلاتين سنة، الى خطة تبييض و تلميع نظام ابن عمّو لادراكو انو في حال سقوط بشار ، ما رح يقدر يستمر باللاذقية اللي رح تلفظ كل ال الاسد ، و لا باللحاق بوالدو رفعت بسبب انقطاع العلاقات نتيجة العمل الأسود اللي ارتكبوا رفعت مع عائلة دريد..
و مع بدء العد العكسي لسقوط النظام و تشكيل تحالف دولي رح يسقط نتيجتو نظام الاسد ، تراجع دريد افندي و عاد الى دائرة تلميع صورتو في اللاذقية ، فكتب و بصريح العبارة ( الصورة بالتعليق الاول ) ، كتب انو طلب مقابلة بشار عشر مرات و ما اجاه الرد و قبول المقابلة ..
من الأخير سيادة الدكتور خدها منّي:
باللاذقية لا تحلم تبقى، اهل المدينة رح يمحوا منها كل اثر لعائلتكون القذرة..
و على أوروبا او اميركا ما الك نصيب، رح نلاحقكون قانونياً و نشحطكون متل الكلاب على لاهاي..
و بطائرة بشار ما الك كرسي، فاللي بدّو ياخدك معو ، رفض يقابلك عشر مرات رغم إصرارك..
ما بقا الك الا حضن ابوك الحقيقي رفعت، روح لعندو و بوعدك بعشر سنوات جديدة علاج عند دكتور للأمراض النفسية ( و فهمك يا دكتور كفاية ) ..