اللي أسسوا الفينيقيين ما رح يمحيه القيقييين

في طريق اهالي اللاذقية الى العاصمة اللبنانية بيروت، كان لا بد دائماً من مرورنا بمدينة طرابلس برحلة الذهاب و العودة ..
شخصياً كابن لمدينة اللاذقية ، كنت اشعر انو طرابلس هيّة امتداد لمدينتي من حيث الشكل الفوضوي للمدينة، طيبة الناس، القلق المرسوم على وجوه البشر، الغضب الصامت، و انتظار لحظة الصفر للانفجار الكبير..
يعني بإمكاني انو قول.. طرابلس و اللاذقية مدينتين توأمين بكل معنى الكلمة، شكلاً و مضموناً ، تاريخاً و مستقبلاً، مساراً و مصيراً ..
فكل عوامل التفجير المذهبية و الاجتماعية و التاريخية و الاقتصادية بتتجمع في المدينتين التؤام..
أقلية علوية مستبدة ، و اكثرية سنيّة مكبوتة ، و مسيحيين اقدامهم وحدة في التبانة و التانية في جبل محسن بالمعادلة الطرابلسية، و واحدة في الصليبة و تانية في مشروع الزراعة بالنموذج اللادقاني..
مدينتين بيتشاركوا بالإهمال الحكومي المتعمّد، و بيتشابهوا بنفس نسبة عدد الناس اللي هنن دون خط الفقر و اللي بيشكلو ثلثي عدد السكان ، و بيتقاطعوا بالتهجير المنهجي لعلماء المدينة و مثقفيها ، و بيشتركوا بحقيقة تعويم النظام لحثالات المدينة للاستيلاء على مفاصل الحياة العامة في البلدين و تشويهها..
طرابلس اللي وصفها الإدريسي بأنها نزهة المشتاق في اختراق الآفاق ، كما وصف شمس الدين الأنصاري مدينة اللاذقية بأنها نخبة الدهر في عجائب البر و البحر، مدينتين ذكرهون التاريخ بسبع زلازل مُدَمّرة احالت كل شي الى رماد و غبار ، و ما قدر نفس التاريخ يستقرء مستقبلهون كما ابدع بالكتابة عن ماضيهون..
فأشد المنجّمين تشاؤماً باستقراء المستقبل ، ما كان ممكن يتوقع انو ابن عيلة حقيرة ، جاية من بيئة مجرمين و قطاعين طرق و مهربين، تلقّى علومو في مدارس الحقد و الكراهية في كتاتيب المعممين و جامعي اموال المزارات ، انو يقدر يسحق روح طرابلس الفيحاء و اسوارها العفيفة ، متل ما محى تراث يا محلا الفسحة يا عين على موج البحر، و استبدلو بثقافة الحاصودة في اللاذقية المحتلة..
فيا توأم مدينتي..
اللي أسسوا الفينيقيين في طرابس و اللاذقية من آلاف السنين، ما رح يقدر يمحيه القيقييين لو ضلوا محتلينها آلاف السنين..