** إسمع ياداعش … زين **
لسان حال المسيحيين المهجرين في الموصل
إسمع ياداعش زين
إحنا مو نصارى إحنا مسيحين
إسمع ياداعش زين
إحنا مو أهل ذمة إحنا عراقيين
إحنا الفجرنا الحضارة
قبل ألالاف السنين
إسأل التاريخ عنا والمسلة
بس عفوا أنتوا مين
شيشاني لو أفغاني لو باكستانيين
لو لملوم عرب مجرمين حشاشين
هم شفتوا بايع وطن
يصدق بشرع لو دين
هذه شيمة الغدار النذل
اليخون الزاد والملح والطين
بيا شرع تسلبني داري لو
تشرد كهل لو مراة بيادين
وتكول دينا محبة وعدل
ورحمة منزلة من العالمين
حتى الجار والأخ ماسلم منكم
ولا عرض الفقير الطيب المسكين
يأويلكم من رب السما
لو غضب مصيركم وين
مو ويه الغلمان وحور العين
لكن بجهنم الحمرة وية الشياطين
هذه حقيقة ولازم تعرفها
أمة دجل وشعوب مغيبين
كلنا ميخالف يمكن الاخوة معصبين
عالمالكي والأسد والفقيه حسن ثائرين
بس أنتوا طلعتوا بلاأصل وبلا دين
كفرتوا حتى ألمايكفر بالله يامجرمين
مو كافي قهر والعمر حفنه سنين
شنهوا من بشر أنتوا يا منحطين
أنتوا مومن صنف البشر ولا أدمين
أنتو بلا ذمة وضمير ولا عراقيين
نصرة ودواعش كلكم تجار دين
بقعر الحضارة دوم تبقون خالدين
حتى الحسين ماسلم من شركم
ولا بنت الرسول وعلي والراشدين
يستحيل أنتوا تعبدو رب
أنتوا ربكم ألإله سين
اللي راياتة فوق المآذن والقباب
تشهدله مو صحيح يامسلمين
إقرأ ياداعش تاريخك زين زين
نهايتك سودة سودة وتخزي اللعين
عاشق الحقيقة والحق والحرية
سرسبيندار السندي
Aug / 5 / 2014
