متفرقات من زياد الصوفي

حكاية عالسريع..

قصر فواز الاسد بمشروع الزراعة مقابل بيت سليمان المرشد ( الرب )..

بلحظة ملل، بعت فواز مرافقتو على بيت المرشد و قلهون روحو اقطعولو شرايط التلفون..

بيجن النور المضيء المرشد لما بيشوف تلفوناتو كلها اتقطعت..

بيروح عند فواز بيقلو: و لك هنت ما عندك كبير يعني؟؟ ليش قطعت الشرايط؟؟

طيب ما هنت الرب؟؟

ايه..

طيب ما دام هنت الرب عنجد، و لشو بيلزمك التلفون؟؟؟

……………………………………………………………………………………………

النظام بسنتين..

من مرحلة خلصت إلى مرحلة صمود الجيش..

من مرحلة الحسم العسكري إلى مرحلة ثبات حماة الديار..

من توصيف الثوار بالإرهابيين إلى الدعوة لحوارهون..

الثورة بسنتين..

من خروج مظاهرة طيارة إلى السيطرة على المطارات ..

من حرية حرية، إلى إعدام الرئيس ..

من هرموش واحد لربع مليون هرموش ..

الفيس بوك بسنتين:

من دخيل عينك ما أحلاكي بهالصورة، إلى تم الدعس على هالخنزير..

انا بسنتين:

من ولاشي، إلى بني آدم..

About زياد الصوفي

كاتب سوري من اللاذقية يحكي قصص المآسي التي جرت في عهد عائلة الأسد باللاذقية وفضائحهم
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.