مبارح أطلقت الداعية الدينية الدكتورة فلك الاسد، ابنة الشيخ العلامة الفاصل و نواصل جميل الاسد على صفحتها ، أول درس ديني فقهي في أصول دين الاسد الجديد..
فذكرت انو الدين لا لحية و لا حجاب و لا حج و لا صوم و لا صلاة ، إنما الدين هوّة علم و اخلاق وسلوك و أسلوب حياة ..
خديني على عقلي شيخة فلك رضي الله عنكِ ، و امشي معي وحدة وحدة لانو ضعت معك..
فهمت تماماً الشطر الاول من دعوتك التبشيرية ، بعدم التلطّي وراء اللحى و الحجاب ، و الادعاء بالتدين من على سجادة الصلاة او من ورا تأدية فرض الحج او صوم ايام رمضان..
فهمت انك ما عم تمارسي هالفرائض لانّك شايفة الدين من زاوية تانية ، زاوية السلوك و الأخلاق و غيرو و غيراتو..
عظيم..
لنحكي عن الركن الاول من أركان دين الاسد الحنيف و بحسب مدرسة الفلكيات ( تيمناً بالقبيسيات) ، الا و هو ركن السلوك:
هل سلوكك شيخة فلك بحرق الأعضاء التناسلية لخادمتك العلوية و بالمكواية الحامية بسبب حرقها قميصك من غير قصد بيدخل بحسابات دين الاسد الجديد؟؟
الركن التاني : ركن الأخلاق ..
هل خروجك من بيت زوجك الشرعي قصي اصلان و التمعشق مع فراس بدرة و تخريب بيتو مع زوجتو لارا ، و خطف ابنو جورج لابتزاز والدو ..
هل هيدي اخلاق الدين اللي عم تبشرينا فيه؟؟؟؟
اما الركن التالت ركن العلم..
هل إعطاء الأوامر لشبيحتك بضرب عميد كلية الآداب احمد عيسى و ضبّوا في شنطة سيارتك و الكزدرة فيه بزواريب جامعة تشرين ، بيدخل بتشجيعك للركن الثالث من أركان دينك الاسدي؟؟؟
و بالحديث عن الركن الرابع ، و المتمثل بأسلوب حياة المتدين الحقيقي..
بدي احكي شوي عن اسلوب حياتك اذا بتسمحيلي :
– بتتذكري يا شيخة فلك زيارات ابن عمك باسل الك في بيت زوجك مدير شركة الساحل للقرون المغفلة ، و اتصال جماعة باسل بمدير الكهربا بوغوص لقطع الكهرباء عن المنطقة لتسهيل دخول فارسنا الذهبي الى عِش الغرام من دون ما يلفت نظر اهالي الحارة ؟؟؟
– بتتذكري يا فضيلة الشيخة يوم اللي ربطتي خادمتك على بلكون بيتك و تحت نظر و سمع كل جيرانك و مارستي كل ساديتك المشهورة فيها؟؟؟
– بتتذكري طال عمرك البيت اللي ربيتي فيه مع آخواتك فواز و منذر و اللي اتفقتي معهون يشيلو جثة ابوكي جميل من القبر بعد ساعات من دفنو لتبصيموا على حرمان اخوكي من ابوكي حيدرة من ميراث والدو جميل الاسد ؟؟؟
بقا عن اي دين عم تحكي ، و عن اي اخلاق عم تتفلسفي؟؟؟
دينكون هوّة المال ، و ربكون هوّة السلطة ، و أركان دينكون خمسة :
الترهيب..
التجويع..
الاستعباد..
التعذيب..
التفلسف على الفيس بوك لمن استطاع اليه سبيلا..
مواضيع ذات صلة : فلك الأسد الى لوس انجلس لتبديل البوتكسات بدراكولا
