متى يبدأ الزوج التخطيط للخيانة
Zakwan Baaj
#تغيير_شكل #ذكاء_امرأة #النسوان ما بتقدر عليهن
و أنا فاتحة الفيس بوك لقيت زوجي باعتلي إضافة على حسابي يلي أصلا أنا كاتبة فيه اسم مستعار غير اسمي الحقيقي
قبلت الاضافة و صار العينتين صديقي ….
قام شيخ الشباب صار يحكيني عالخاص …
و بيني و بين حالي صرت قول :
أنت وقعت وللا الهوى رماك ؟؟ وقعت بحضن أمك و أبوك !!!! أجت فرصتي لحد عندي أني أخد حقي و أشربك حياتو و ألخبطا .. و لو أنو على حسابي و من إيدي .. و بالنهاية بكون عم شوف خيانتو إلي شوف العين ..بس مرقتا للقصة و حبيت أكمل للآخر
حاكاني .. مازحني ..مازحتو
غازلني اتقبلت غزلو …كل يوم يبعتلي نكت و صور و يسترسل بالحديث معي ..و مايصير الليل إلا و شوفو قاعد على هاللابتوب مندمج
قال شو !!! عندو شغل عم يخلصو و أنا أعمل حالي مشغولة بالمطبخ و هو ممنون طبعا من انشغالي . و صير أحاكيه من المطبخ
مرت اﻷيام على هالمنوال ..كل يوم نكت و فرفشة و غزل و كلام ناعم عالفيس ..و بالبيت منكد عيشتي و مطالع عيني و ضارب بوز …
بعد هالفترة قلي ..بدي شوف صورتك !!! قمت قلتلو : اي تكرم عيونك …ليش ﻷ ؟ و رحت بعتلو صورة لصبية بتاخد العقل من النت ..
الزلمة طار عقلو و شطت ريالتو و صار متل المجنون … و أنا بيني و بين حالي عم اتفرفط … بس قاومت و كملت
سألني أنت مرتبطة؟ قلت : ﻷ
قال طيب بتتجوزيني ؟؟؟؟
قلتلو بس أنت متجوز !!!
قال بالله ما تذكريني … هي وحدة نئائة نكدية و ما بتنطاق ..
قلتلو ماشي ..بس أنا مهري غالي وأنا وحدة دلوعة و بيلبئلي ..و أصلا مشان أهلي يوافقوا عليك بدي منك طقم دهب غالي … قلي أنت تأمري يا عيوني ….
عيونه بئى ..كانت حاطة عينيها على طقم دهب بألماس بيصطل بمحل معين … طلبت منو يشتريه و يجيني
والأفندي ..راح اشتراه بجد و رجع يحاكيني و يطلب مني العنوان مشان يقابل أهلي و يطلبني و يلبس الدهب
قلتلو انتبه ..لتقوم مرتك النقاقة النكدية تشوفو و تخربطلنا القصة ..قلي لا تاكلي هم أنا حطيتو بسحابة مكتبي و قافل عليه ..
قلتلو : يا عيني عليك شو حريص … و صرت ادلع عليه … بيبي بيبي هلا بجد ..أنت شو خلاك تحبني هالقد ؟؟ شكلي بس ؟؟؟ انتفض وقال ..طبعا ﻷ … روحك الحلوة و دلعك و خفة دمك شدوني إلك ..أما الشكل أخر شي بفكر فيه … قلتلو منيح طمنتني
مشان هيك رح أبعتلك صورتي الحقيقية … قلي يعني أنت مو حلوة ؟؟؟ و هديك الصورة مو صورتك ؟؟؟ قلتلو : ﻷ امبلى أنا حلوة لاتخاف
بس الصورة مو صورتي … جمد شوي ورجع كمل ..قال مو مشكلة ..ابعتيلي صورتك الحقيقية
و قمت بعتلو صورة أمه ..حماتي العزيزة ……………………..
بيبي… بيبي ..حبيبي …حياتي … وين رحت ؟؟؟ الحلو راح بغيبوبة سكر و قضى ليلة بالعناية المركزة
و حاليا صرلو أسبوع فاقد النطق و لسانو ملووق عاليمين
و مو قادر غير يأشر تأشير
و بيطلع فيني نظرات ..و الله ماقدرت فسرا .. هيه اعتذار ..هيه أسف .. هيه ندم .. مافهمت بس باﻷخر قررت لحالي أنو هي نظرات تساؤل أنو شو صار بطقم الذهب ؟؟؟
مشان لا تتأخر حالتو لورا رحت فتحت الدرج و طالعت الطقم و لبستو و جيت وقفت مقابيلو .. قام الحلو حتى ايدو يلي كان يأشر فيها جمدت بأرضا ….
يستااهل ولا .لا
شو رايكم. ..
—- —-
الله يحمينا نحن الرجال من بنات آدو ههههههههههه