يلّي عنده كلاسين .. للجيش

(( يلّي عنده #كلاسين .. لل #جيش ..
شحاطات ، لفحات ، جديدة عتيقة .. للجيش ))
هيك قالبة صفحات كتار عالفيس ، منهن ناس بعرفهن طيبين و محبين للجيش و منهن حرامية لقوا هلق انه الشحادة عالجيش بتطالع مصاري .
‫#‏انتو_شعب_عم_يذل_جيشه‬ بلا مايفهم .. الجندي بأرض المعركة لا داير عكلاسين و لا بده تعملوله طنجرة محشي و يبرق .. اساساً انا اول مرة بحياتي بشوف مواقع عسكرية بالحرب فيها الفايت فايت و الطالع طالع ، ليش عم تتعاملوا مع الجيش وكأنهن اثار بتدمر و الشاطر الي بده ياخد صورة حدهن ؟
طبعاً الحق مو عليكن و حلال عالشاطر بمفهومكن بس الحق عالدولة الّي تاركة جيشها تحت رحمة الناس ، المفروض متل مابتنفرز افرع مخابرات للفيسبوك يفرزوا افرع مراقبة لاطعام الجيش وين عم يختفي ، المفروض بالحرب لو الدولة ( مابدها تضل بدوامة الفساد ) انه يسحبوا تراخيص كل الجمعيات و يمنعوا اي بني ادم يستلم مصاري او اغراض سواء كنائس او جوامع او جمعيات ، هي القصص بتنحصر بوزارة مخصصة بوضع الحرب بتوزع عائداتها عالجيش و النازحين و الفقراء .. بهالطريقة المتبرعين بيتبرعوا للدولة ، و الوسطاء عالارض بيشتغلوا بوزارة الدولة ، بشرط يكون نظام هالوزارة مضبوط و في مراقبة عكل ليرة فيه مو متل هلق الشاطر عم يسرق .
لولا اني بعرف انه في ناس عم تشتغل وماهدفها شي عاطل لقول : ( انه الي بعت شادي حلوة ليشوه صورة النمر هو نفسه الي باعتكن تشوهوا صورة الجيش )
انا مابفهم كيف بيفوت اكل للجيش بدون ما ينفحص وينعطى موافقة لكل مرة ، لك بركي الاكل مسمم ؟
مابفهم كيف بتعرفوا انه نص الشعب بيبيع امه وتاركينهن طالعين فايتين عم ياخدوا مواقع و احداثيات عسكرية ؟
هامش : الّي بده يقلي لا تنظري عالدولة ، سلفاً عم قلكن هي بلدي ان رحت او طلعت او نزلت ، بلدي ، و الدولة و وزاراتها اذا الحرب ماعلمتهن شي واجبنا نحن نعلمهن ، وروح صفق و مسح جوخ عصفحتك انا مكتفية قرف .
‫#‏لكل_سخيف_مارح_تلحق_حتى_انت_تقرا_تعليقك‬
‫#‏سبحان_من_سخّر_لنا_البلوك‬