Salwa Zakzak
يللي بدو يعرف حوالنا يروح عالتأمينات…
زوجات، أمهات،آباء، وكلاء، عم يساووا معاملات التركات والرواتب والحصص.
القصص بين الرجلين والصراخ معبي السما..وبكي وتوهان..وهي وينها..وهادا مينو..وعم تقبض شي راتب نقاعدي تاني؟
الشبابيك كلها روس بتتطلع بس بجهة وحدة..الشباك صار يهوج ويموج والناس لبست وجه الشباك وتصلبت وجوهن وصاروا قزاز لابيسمع ولابيشوف..
اكتر كلمة انقالت ميت تازة..وانا عم الولاد..وسؤال تزوجت شي الزوجة او حدا من البنات؟ وبيكون مالو شهر ميت..
بتعرفوها بعد الموتة عصة القبر؟ هيك نحنا ماشيين وجارين قبورنا معنا، وكل شوي هالقبور بترصنا وبتخنقنا…وقال الحمدلله عكلشي وبلادنا جنة!!!
عظم الله أجركم..يللي بعدو….المي سخنة والمغسل ماعم يلحق…
سلوى زكزك
