من زياد ابن ابيه هشام..
المجرم رفعت الاسد مطلوب لعدالة الشعب السوري
الى دريد ابن ابيه رفعت..
من اكتر الأشياء المثيرة للغثيان ، انك تشوف ابن رفعت الاسد عم يحاضرنا اليوم عن العصامية و عن الزهد بالحياة..
ابن رفعت الاسد وصفني اليوم مستهزءاً بانّي ابن ابيه !!!
والدي هشام الصوفي اللي كل اللادقية بتحلف باسمو و بتدعيلو، و ابوك رفعت الاسد اللي كل سوريا بتدعي عليه..
والدي هشام الصوفي اللي استلم ادارة اكبر شركات سوريا ( أفتوميتال ) ، و خرج بتقاعد ألفين ليرة و برصيد مصرفي مؤلف من صفر ليرة سورية بعد تلاتين سنة مدير، و ابوك رفعت الاسد الضابط المغمور اللي هرب من سوريا و برصيدو مليارات من الدولارات و حفنة من الشرف ..
والدي هشام الصوفي اللي كان لقبو باللادقية ( الرجل اللي رفض يكون مليونيراً) ، و ابوك رفعت الاسد الرجل اللي رفض يبقى مغموراً..
والدي هشام الصوفي اللي ربّى ولادو الأربعة و علّمهون كل شبر بندر ، و كبّرهون بالنقدي و بالدين، و شافهون كيف سلكوا طريق الغربة قدّام عينو لانوّ ما قادر يعطيهون بيوت ، و رفض يتوسطلهون لوظايف، و ابوك رفعت الاسد اللي ربّى ولادو عالدم، و شبّعهون بفكرة انو سوريا فرصتكون هلأ و لازم تستغلوها للأخير ..
والدي هشام الصوفي اللي بخمسة الشهر ما معو مصاري يكفّي مصروف بيتو لآخر الشهر و ضل راسو مرفوع ، و والدك رفعت الاسد اللي بحياتو ما نطر اخر الشهر ليقبض راتبو لانو مليارات سوريا كلها بين أيديه ، و كل وقتو راسو بين أفخاذ الصغيرات العذراوات..
يا دريد ابن رفعت..
لو بقيلي شي واحد بهالدنيا افتخر فيه، فهوّة اني ابن هشام وجيه عارف الصوفي ..
و انت اذا بقيلك شي لازم تمحيه من ذاكرتك قبل ما تمحيه من عقول المصفقّين على صفحتك ، هوّة الحقيقية اللي بتقول انك دريد ابن رفعت الاسد..
كنت اسأل والدي عن اكتر شغلة بيحبها بحياتو، و كان جوابو دائماً :
انو بحط راسي يا ابني عالمخدة و بنام خلال ثواني لانو ضميري مرتاح..
و انا شخصياً اذا سألتني نفس السؤال عن اكتر شغلة بحبها بحياتي رح جاوبك:
انو ما حط راسي عالمخدة الا بعد ما ريّح ضميري بفم امثالك يا ابن رفعت ..
تفووووو كان ناقصنا..
