المجرم سليمان هلال الأسد يساعد والدته فاطمة مسعود ارتداء الزي العسكري: هل هي عقدة اوديب؟
علويات ٧..
– شو اسمك سيدي المتهّم ..
– معلمك سليمان ، ابن عم ربّك بشار الاسد ..
– و النعم منّك سيّدي المتهّم .. و انشالله العمر كلو معلمي ، بس شو بكتب عمرك بالمحضر؟؟
– اكتب عمري يا جحش ، عمري من يوم ما عملناكن بشر..
– عراسي سيدي عراسي، و شو المهنة معلمي ؟؟
– نبي بالنهار ، و معاون رب بالليل..
– دخيل اسمك يا سيدي ، وين كنت معلمنا وقت وقوع الحادثة الغير مقصودة ؟؟
– كنت قدّامو لهالجحش ابو قرعة قاطع عليه الطريق بعد ما ضويتلّو لهالابن الشرشوحة ما بعّدلي طريق..
– و بشو كنت صافن معلمنا وقت ما حطّيت أيدك عالزناد و أطلقت النار على هالقليل الأصل ؟؟
– صافن انو اذا قتلتو ، من وين بدنا نجيب معزاية لمرتو البقرة ؟؟؟
– و ليش سيدنا ما قوّصت ولادو معو ؟؟
– لحتّى يحكولن لرفقاتن عالحادثة و ياخدوها عبرة..
– معلشي لا تواخزني يا سيدي عم كتّر أسئلة ، بس وين اختفيت بعد الحادثة ؟؟
– كنت قاعد عالقهوة عم اكتب اسماء اللي كتبوا تعليقات و بوستات عم يسبّوني منشان قوم بواجبهون يعني، و بعدين رحت عالمقصف صرفت شوية دولارات على الملذات الشخصية..
– و شو بتحب معلم تقول لكل مين اتهمك من دون دليل؟؟
– و الله لتشتهوا يا كلاب موتة هالعقيد الجحش و ما تلاقوها..
– ندمان يا سيدي؟؟
– ايه و الله ندمان من كل قلبي..
– الله لا يندمك يا سيدي ، بس شو الشي اللي مخلّيك ندمان ؟؟؟
– و الله بالقهوة بعد ما قتلتوا لهالجحش ، لعبت دق طرنيب و خسرت اربطعش ببلاش من حيونة شريكي..
– و شو المطلوب يا سيدي؟؟
– جيبوه لشريكي و اعدموه ..
و قهلا..
