هي علاقة طرديّة بين الراعي و الرعية

بيتسابق العالم بكل أقطابو نفاقاً لاظهار خوفهون على العلويين في سوريا..
من اميركا الى روسيا.. من أوروبا الى زواريب الأمم المتحدة ، الكل لما تقعد معو بيقلّك و بيسألك:
شو بتتصوّر رح يكون مصير العلويين في سوريا؟؟
هالسؤال من اكتر الأسئلة اللي بالظاهر الإجابة عنّو بديهية و بتخطر على بال ٢٣ مليون سوري، بأنّو النهاية رح تكون وسخة مع الأسف ..
بس لما بتحاول تجاوب الأشقر ابو عيون زرق عن مستقبل العلويين، ما بتشوف حالك الا بديت تكذب و تحكي بشكل دبلوماسي انو نحنا شعب واحد، و بتبدا بإطلاق الأشعار بالوحدة الوطنية و الدم السوري الواحد ، و بتنظيم الأشعار عن العيش المشترك..
ولكن..
هل صحيح انّو الاسد هو من ورّط العلويين بحرب مفتوحة مع محيط سنّي ؟؟ او انّو العلويين هم من ورّط الاسد بادعائهم الولاء و ابداء الجهوزية الكاملة بالدفاع عنّو حتى نقطة المتّة الاخيرة؟؟
انا أميل بتحليلي للمشهد العام لعلاقة العلويين مع الاسد ، انو الاسد و العلويين متل الطنجرة اللي لاقت غطاها..
فالأسد ما كان ممكن يكون بهالإجرام اللي أظهروا من بداية الثورة لولا أيمانو انّو وراه قطيع بيقبل الانقياد مهما كانت الغاية ، و أيّاً تكن الوسيلة ..
و العلويين بشكل عام و بعد تذوّق طعم السلطة المطلقة من خمسين عام، لكانوا أوجدوا مجرم يقودهم لو ما كان بشار الاسد متصدّر لمشهد الاجرام..
اذاً هي علاقة طرديّة بين الراعي و الرعية..
اعتقد جازماً انو جزء كبير جداً من العلويين كانو عم يضحكوا لمّا كانوا يشوفوا آلاف الفيديوهات المسربّة للجيش العلوي و اللي فيها تعمّد فاضح لإهانة السنّي ، و ما كانوا حتماً عم بيقولو ورّطنا الاسد الله لا يوفقوا ..
و مؤمن و على معرفة و من باب المعلومات و ليس الاستنتاجات انو العلويين بيهللوا لكل برميل عم يسقط على العائلات المدنية السنيّة ، و ما بيقولو ورّطنا الاسد الله لا يعطيه العافية..
و أستطيع انّو راهن بأنّو الصحفي العلوي أوس الحسن و اللي اتسرّبت صورتو السنة الماضية و هوّة جالس صوب برميل معد للرمي من طيارات الموت على اهالي حلب ، انّو تسريب هالصورة أشعروا بنشوة البطولة مو بالخزي والخجل و العار..
اذاً القول انو ” كما تكونوا يوّلى عليكم ” في علاقة العلويين بالأسد، هوّة مفهوم خاطىء ، و المفهوم الصحيح من وجهة نظر العلويين :
لو لم يكن الاسد مجرماً في صراعنا على السلطة، لخلقنا مجرماً..