جورج كدر
اي وليش مستغربين من “الحرب المقدسة” يلي أعلنتها روسيا، ما صرلكون 3 سنين قالبينها طائفية وسنة وشيعة وداعش ونصرة والعباس والتوحيد والله وخالد وعمر والحسين واسماء فصائلكن كلها رموز دينية … فطبيعي يجي كل غزاة الارض بالشكل يلي انتو اخترتوه … هنن تجار وعجبتهن بضاعتكن الدينية … وهنن رب من لعب لعبة الطوائف والاديان …
انتو بدكن تطبقوا شريعة الله … وهن بدهن يحاربوا شريعتكم معتبرينها خطر .. هيك لاقوا فرصة للتدخل مع انهن كفار وبيشربوا فوتكا ويسكي صبح ومسا… كنا بمذاهب وجهاد مقدس صرنا بطوائف وبعدها حروب صليبية وحروب مقدسة …
قلو: خيو ليش جبت البغل لأرضك هلكنا من كتر ما عفس ورفس …
قلو انت زارع فجل …
فيا شباب مزعوجين من الحرب المقدسة الروسية الصليبية الحقيرة … خلوها مدنية خلوها باسم سوريا الوطن وكرامة السوريين، خلوها لقانون مدني يحترم الجميع خلوها باسم “الدين لله والوطن للجميع” مو باسم شي تاني …
بخاطركن