هل يعقل انه مافي بالبلد الا شخص واحد هو الرئيس بيتدخل لحل مشاكل فردية؟

كتار منكن شافوا هالخبر من الرائد زياد اللي بترت ساقه بالحرب و كيف ناشد امس الرئيس لحماية اطفاله من عصابة وصفهن بالهاربين من الجيش هالعصابة عم تطلب اتاوة 5 مليون او بيته و حاصروه و هددوه كونه عكرسي مابيقدر يحمي عيلته .
قبل ساعة نشر الرائد زياد شكر للرئيس لانه بعت قوات امنية لتحميه و طالعوا مذكرة بحث عن عصابة التشبيح .
طبعاً فرحنا كتير لانه هالعائلة اخيراً بيقدروا يناموا بأمان .. بس ولوووو لهون وصلت بلدنا مافيات و تشليح بالنهار .. طيب الرائد زياد وصل صوته للرئيس فساعده بس شو مشان الناس اللي ماعندهن فيسبوك او اللي ما بيسترجوا يصرخوا ؟ وين مؤسسات الدولة ؟ وهل يعقل انه مافي بالبلد الا شخص واحد هو الرئيس بيتدخل لحل مشاكل فردية ؟ الوزارات و المؤسسات و الشرطة و الامن لشو عم ياخدوا معاشات ؟