اهل #محردة ممنوعين من دخول #اللاذقية بأمر من مسؤول حاجز #راس_الشعرة أو #بيت_ياشوط
توالت الرسائل عصفحتي من العديد من اهل محردة خلال ال 24 ساعة الماضية .
هل قسّمتم البلد دون ان تعلمونا ؟
هل اصحاب المعالي في دمشق يعلمون ما يجري في المحافظات ؟
و يبقى السؤال : هل فعلاً هناك اوامر بمنع اهل محردة من دخول اللاذقية و لماذا ؟
……………..
مسا الخير مدام ماغي انا من محردة منع دخول اهل محردة الاذقية صحيح 100 بالمية وصار الي بيدفعلون بيمرقو والي مابيدفع بيرجع فقط طلاب الجامعة عالبطاقة وبعض منهن ماخلوهن يمرو حتى بالبطاقة ..
بعتذر لانو عم حكيكي عالخاص منخاف من اصحاب الحاجز ياخدو الاسماء وينقمو علينا وبتعرفي ماشالله شقدهن متسامحين والله عيب عليهن عم يعاملونا كانو ناس درجة عاشرة مع العلم محردة مابتستاهل منهن هاد التصرف
وفي صبية عنا مصابة بمرض السرطان راحت تاخد جرعة كيماوي رجعوها مع العلم روتهن التحاليل والصور بس للاسف ماخلوها تمر والجرعات حصرا بالاذقية
والله يا ست ماغي انا بأكدلك موضوع حواجز بيت ياشوط تعرضنا لذل مرعب ورجعونا طلعنا من القدموس ورجعنا توقفنا عالاستراد تبع طرطوس اللاذقية بس يمكن الأهالي ما دخلن مشان هيك منفعلين بالتعليق ونفي القصة .. او نحنا بسيطين زيادة
لسا بيزعلنا انو تحججو انو نحنا نازحين ولمين تاركين محردة !! ولك نحنا نسواننا ما بتترك وكانو ورانا يلفولنا صندويش الله وكيلك .. الصواب مو هون .. الصواب اذا فعلا راحت محردة مارح يخلونا نمرق !!!
اتضرينا نخلي واحد من أصدقائنا العلوية يسوق السيارة لحتى نقدر نمرق عالحواجز و نوصل عطرطوس
إمي و أبي لو مانهن ختيارية ما كان خلاهن يمرقوا و بألف يا ويلاه
و سمعت عن عالم طالعين كروب كذا سيارة …دفعوا 60 ألف لخلوهن يمرقوا
ست ماغي المحترمة انا من محردة ونحنا طالعين عاللاذقية من طريق القدموس وقفنا على حاجز على اوتستراد طرطوس اللاذقية وقال لنا العسكري من محردة ارجعوا وبعدين اجا عسكري دلنا على طريق زراعي واخد الف ليرة على كل سيارة ومشي الحال .اليس هذا امر غير طبيعي وفيه ذل
مرحبا انسي ماغي انا من محردة و قصة حاجز راس لشعرة صحيحة 100% و في كتير عالم راحو و ما خلوهن يكفو لطريق بتمني لمساعدة لا نعرف مين لمسؤل عن هيك تصرف
وفي شي مئة رسالة بس بدهن كتير وقت لانسخ الكل بتخيل هدول بيكفوا
