هل سجل التاريخ يوما ضرب شاب حتى الموت من أجل : شوطة طابة؟

 Alissar Kudsi
شاط الطابة بالغلط
أمي قاعدة على بلكونة الشاليه . كان عمري يمكن 10 سنين . و بتمر ست الحسن و معا أختا الأصغر و الخادمات . عم تسب و تلعن بألفاظ لا تليق بإنسان فكيف لو كانت أنثى ؟! خليه هالإبن ___ الش___ هالع ___ هالكذا خليهون يموتوه من القتل بيستاهل !!!
من بعيد شوي سمعنا صراخ و شتائم و باعتبار أنو أنا معلاقي كبير ركدت لشوف شو في . و الله لهلئ ندمانة لأني شفت .
كانوا 7 أو 8 شباب من المرافقة ماسكين شاب ضخم و طويل و نازلين فيه ضرب الدم كان عم يطير من أنفو و تمو و الناس واقفين عم يتفرجوا لا حول و لا قوة لهم و شفت ناس بتبكي . وقع الشاب على الأرض بيقوموا بيمسكوه من راسو و بيحطوا راسو بس على حرف البلاط تحت الدوش و بيبلشوا الدعس و اللبط و سنانو عم تطير مع دمو , طبعا الشاب غاب عن الوعي و سمعنا بعدين أنو أستاذ رياضيات و سبب القتله أنو : كان هالشاب عم يلعب طابة على الشط و بالغلط إجت الطابة عند ست الحسن و صار لي صار . صحي نسيت قلكون أنو الشاب غاب عنو الوعي و لهلئ ما رجعلو .
احدى عشرة ألف عدد صغير جدا” و لا يستدعي الدهشة , فالمعذبين في سوريا لا يمكن حصرهم بالمعتقلين فقط بل بكل الشعب السوري خارج و داخل المعتقل . هل سجل التاريخ يوما” ضرب شاب حتى الموت من أجل : شوطة طابة ؟؟