هكذا بدا لنا العالم المكركب هذا الصباح..

ثلاث حوادث اليوم هزّت العالم..

– إغلاق السفارة السورية في واشنطن..
– إطلاق وكالة الفضاء السورية..
– اختيار فيفي عبدو لحمل لقب الام المثالية في مصر..

أمّا عن إغلاق السفارة السورية في واشنطن.. السؤال مو ليش سكّرتو السفارة اليوم ، السؤال الصح هوّة ليش لهلأ و بعد تلات سنين، سفارة المجرمين بعدها مفتوحة؟؟؟ و يعني كان ناقصنا مخبرين لحتّى ترجعولنا هالموظفين المطرودين على سوريا!!!

اما الخبر الأكثر اثارة للضحك هوّة اعلان الحكومة رسمياً عن إطلاق وكالة الفضاء السورية..
انتو متخيلين اذا عيلة ابو براميل صار عندهون مكوك فضائي مثلاً؟؟
ايه علي الحلال لتشوفوا الدخان المهرّب معبّي القمر، و مكوكات ابو جميل المعبّاية تلفزيونات ملونة و عصارات فواكة رايحة راجعة على خط الارض – المريخ – الارض ، و قريباً رح نسمع انو رامي مخلوف فتح منطقة حرة بالمشتري ، و وقّع عقد شراكة مع زولو لإطلاق شبكة جوبيترتل للاتصالات..

أما عن خبر فيفي عبدو ، فهيدي مسؤولية كبيرة كتير بتوقع على عاتق الفنانة الحنون، و صار بدها يا فيفي هز كتاف و رجفة صدر و ليونة خواصر و طقش صاجات للصبح..
ام الدنيا صارت أمها رقاصة يا كدعان..

اختيار.. إغلاق .. إطلاق..

كان الأجدى على اخبار اليوم انو تكون :
إغلاق فيفي عبدو بعد سنين قضتها فاتحة.. اختيار بشار الاسد لجائزة الرئيس المثلي..
إطلاق واشنطن لموظفي السفارة السورية في احد المكوكات الفضائية و رميهم خارج درب التبانة..

هكذا بدا لنا العالم المكركب هذا الصباح..

مواضيع ذات صلة:  ايران- الولي الفقيه يحقق اعجازاً ويضع رجلاً على الشمس