هام للنشر للجالية المقيمة باميركا و خاصة للواصلين جدد :

اتصل فيي شخص من يومين قال انه من
IRS
وانه انا ناصبة عالدولة بعام 2013 بالضرائب وانه حولوا ملفي عالشرطة و مطلوب القاء القبض عليي لانسجن لمدة اقلها 6 اشهر .
هالاتصال اجاني الصبح اول فيقتي و انا بالايام العادية بدي ساعتين ليدور المحرك فأكثر شي عملته انه قلتله حاكيني بعد نص ساعة .. ورحت عملت قهوة بس لاقدر استوعب اذا اللي سمعته صح .
بيدقلي بيقلي رح حولك لل انسبكتر لتصلحي وضعك قبل ما يلقطوكي الشرطة ، قلتله : اذا في غلط بيكون من المحاسب تبعي مو مني و خبرني شو الغلط لاني محتفظة باثباتات كل السنين الماضية و انا متأكدة مافي غلط .
قام قلي اسمك الثلاثي كذا مواليدك كذا و هلق المكالمة مراقبة من 911 وكل كلمة بتحكيها محسوبة عليكي و اسم محاسبك كذا و نحن سحبنا شهادة محاسبك لانه ساعدك بسرقة الدولة ???
قلي رح حولك و ممنوع تسكري الخط واذا بتسكري رح نبعتلك الشرطة فوراً .. ( طبعاً انا بس حدا يهددني و يقلي ممنوع عشي بعمله .. فسكرت الخط ) اجيت لدق للمحاسب افهم اذا سحبو تراخيصه واذ بيدقلي رقم 01911 قال معك شرطة المدينة و نحن بطريقنا لعندك .. قلتله لا تتكلفوا وتجو انا جايي ، قلي مافي داعي بس ليش سكرتي الخط مع ال
IRS
بتعرفي انه هدول ما بينلعب معهن ، هون طلع جناني و قلتله انت شو خصك ، انت شرطة ومعك امر تمسكني وانا عم قلك جايي شو خصك لتقلي دقيلهن ولا تسكري .. ناطرتك تعو خدوني .. و سكرت بوجهه واتصلت ب 911 لافهم شو صاير ..
طلعوا ببساطة مجموعة نصابين و صاروا لحد اللحظة ناصبين على
نصف مليون اميركي واي حدا يكتب ع غوغل :
I got call from IRS
ورح يشوف عدد الناس اللي عم يبكوا علّي صار معهن .
بتمنى النشر لحتى ولاحدا يوقع و يعطيهن حسابه او رقم كريدت لانه لليوم الشرطة ما كانت تلاقي هالعصابة .