فاتت اشتكتلي انه نصب عليها مصاري كانت جامعتهن من مغتربين و عأساس رح توزعهن عأطفال الشام سلات غذائية .
زعلت عليها و تأكدت و جايي افضحه و للصدفة بفوت عصفحته بلاقيها لايك بلايك لبوستاته و التعليقات من تبع : الله يديمك و يا كبير .
فهل هاد اسكيزوفرينيا ؟ او القط بيحب خناقه ؟
او مفتكرة اذا بريتي ذمتك انه بس هو اللي حرامي ، بتطلعي انت شريفة ؟
عفكرة انا بنت الشام وما نسيت انك يا جامعة التبرعات كنتي تصاحبي بحق دخاناتك .
الله يلعن ابو الحرب الي خلت الفقراء يحتاجوا الي بيسوا و الما بيسوا .. و يقبلوا تشتروا سيارات من ورا تبرعات رايحة الهن بس مقابل يوصلهن كيس برغل .
يرضى عليكي لا تعمليلي متشبثة بالارض ، انتي و ياه متشبثين بمصاري المغتربين الي مارح توصلكن لو ما كنتو عالارض .
هامش : لا تعزبوا حالكن مارح ارضي فضولكن باسمها لانه مابدي ينقطع الخير من قلوب الي مصدقين انه قلبها عالفقراء .
هامش اكثر : نصيحة للمغتربين ابعت للفقير دغري ولا ترضى الا بتقارير طبية لانه لا انت و لا الفقير بتستاهلوا ينضحك عليكن .
تصبحوا عوطن نضيف .
