نخبة عم تغنى و تزيد تخمة و طبقة تنداس لدرجة انها تنمحى

ماغي خزام
دائماً بفكر بشي ضروري يصير ..
بالحرب كل شي مباح للدولة .. يعني بياخدوا سيارات الناس ، بيوت الناس ، لما بيكون عندهن مهمات امنية .. احتمال ترجع لاصحابها و احتمال ما ترجع .. كمان ضرورات امنية ..
لحد هون لا اعتراض لانه يا اخي نحن مانّا افهم من الحكومة ..
بس الاعتراض و المطلب هو .. ليش دائماً البلد و امنها و امانها بينبنوا عكتاف الفقير ؟ ليش عنصر المخابرات او الضابط بياخد سيارة وحيدة لصاحبها او بيستعملوا بيت للمراقبة بالوقت الّي صاحب البيت ما بيملك غيره ؟
ليش مفهوم السيادة و كل شي فدا البلد ما بيتطبق عالاغنياء و التجار و اصحاب المشاريع و مالكي ال 10 سيارات و ال 10 بيوت ؟
بس تعملوها يا دولة بتكونوا بلشتوا باول خطوة انه الحرب لتنتهي المفروض كل الشعب و خطين تحت كلمة ( كل ) ، كل الشعب لازم يضحي ليبقى الوطن .
غير هيك انتو الكن مصلحة انه تبقى نخبة عم تغنى و تزيد تخمة ، و طبقة تنداس لدرجة انها تنمحى .