موت فواز الاسد و الخرا تحتو اكبر حكمة من رب العالمين

من اعمال فواز الاسد..لا تنسوه من اللعنة ..
القصة الرابعة :
البطر و الاستفشار اللي وصلولو بيت الاسد تعدّى بمراحل أي وصف و أي تشبيه..
بطر بالناس.. استفشار بالعباد، تعدّي على الذات الإلهية بأقذر الألفاظ ، و دائماً مع الأسف بيشوفوا مين بيضحك لقلّة أخلاقهون و بيصطهج عند تذوقوا لسم الكفر اللي بينزل من افواههم..
في ليلة صيف لادقانية هادئة، و كل اهل المدينة منتشرين على بلاكين بيوتهون أو على أراضي الحدائق العامة، كان في مكان تاني من المدينة و تحديداً في احد مشافي اللادقية المهمّة في مشروع الصليبة حالة غليان بتشبه لحد كبير حالة البلد كلها..
سيارات الميرسيدس تملأ الشوارع المقابلة للمشفى، و كل شي في شبيحة و نبيحة و جلاجيء آل الاسد من شباب و صبايا اللادقية متوزعين على الرصيف المقابل لباب المشفى، حتّى أمناء الفروع و ورؤساء شعب الحزب و قادة الأجهزة الأمنية و بكل طاقاتهون متواجدين على ادراج مبنى نفس المشفى..
الحدث الكبير كان متمثّل بانتظار ولادة صبا الحسن زوجة فواز جميل الاسد للابن البكر و درّة عائلة ابو جميل..
دقايق عصيبة مرّت على الجميع و ست الحسن و الجمال عم تنازع و تطلق ليطلع من جوفها قاذورة جديدة من قاذورات هالعيلة..
الكل قلق..
الكل متوتر..
الكل عم يمسح العرق عن جبين فواز المنهك من تمسيح الجوخ و المرهق من عبارات التبجيل..
الثواني بدقائق، و الدقائق بساعات ، و الساعات بأيام، الى ان خرج الدكتور من غرفة الولادة مع اول جعرة لهالطفل المعجزة..
– مبروك يا دكتور… و لك الف مليون مبروك يا ابو جميل… منهنّي أنفسنا قبل ما نهنّيك بولادة أسد جديد سيزود عن حوض الوطن..
– اهلا اهلا بالشباب ، الله يبارك فيكن و يجعلو ذكي طالع لبيّو..
مازال البعض من اهل اللادقية على بلاكين بيوتهون و البعض الاخر مفروش بحدائق البلد لمّا كانت كل هالمهروجة و حفلات الدجل و النفاق قايمة بالمشفى بعد اعلان ولادة الوطن لشبل جديد ..
و عند سؤال محافظ اللاذقية للدكتور فواز عن الاسم اللي رح يعطيه لهالطفل ، كان متوقّع بكل ذكاء مسؤولي البعث : أكيد رح تسمّيه جميل يا ابو جميل صح؟؟؟
– لا لا ما رح سمّيه جميل..
و هون كل جلاجيء الارض ارتعشت الارض من تحتهون، و اتزلزلت حيطان المشفى المحيطة فيهون، و شعروا بانطباق السقف على رؤوسهون ، مستغربين، متأهبين، منتظرين الكلمة اللي رح ينطق فيها فواز و يطلق عالولد الاسم المنتظر :
– رح سمّيه ” إله ” .. ايه ايه رح سمّيه إله الاسد و انا من هلّق و رايح ما حدا بيناديلي الا ابو الله..
ارتاحت أسارير الحضور ، و انتعشت قلوبهون و بدأت حفلة التصفيق و الدعاء لإله و لأبو الله بطول العمر..
لحظات السعادة و الابتهاج لم تدم الا ثواني معدودة، و كان للخالق عز و جل كلمتو الاخيرة..
خرج الدكتور مذعوراً من غرفة الولادة و نادى خائفاً الدكتور : و الله يا ابو الله ، الولد بحالة خطرة جداً و فرصة حياتو ضئيلة كتير..
دقايق تلت هاللحظات العصيبة عالكل، قبل الإعلان عن وفاة الطفل إله و هو في تاسع دقيقة من حياتو..
لحظات الصحو و الهدوء على جانب من المدينة انتهت، و لحظات السعادة و الانتعاش على الجانب الاخر منها اتبددت..
ما اتعّظ فواز، و ما فهم العبرة، و ما اخد بحكمة رب العالمين.. بل سحب البارودة الروسية من أيد احد مرافقتو، و ركض على درج المشفى صعوداً باتجاه السطح، و بدأت حفلة التقويص على السماء مع صرخات قاموس الكفر اللي انطلقت من فم ابو جميل على رب الكون جلّ جلاله بالاحتفاظ بحق الرد و اختيار الزمان و المكان المناسبين للرد المزلزل على الله..
الحكمة :
موت فواز الاسد و الخرا تحتو هيّة اكبر حكمة من رب العالمين ..

مواضيع ذات صلة:  فواز الأسد يرتكب جريمة بشعة مع امرأة حامل