شو هيّة حاجة العلويين في سوريا للاغتراب؟؟؟
ارهابية سورية عمرها 3 ايام استهدفها المجرم بشار ببراميل الديناميت
من تجربتي الشخصية ، عشت عشر سنوات في الخليج، التقيت خلالها بآلاف السوريين المسلمين و المسيحيين ، و بالمقابل التقيت بشب سوري علوي واحد فقط لا غير خلال كل فترة اغترابي.. اسأل نفسك ايها المغترب عن تجربتك بنفس المجال و شوف الجواب !!!
من أغرب الحقائق اللي بيحاول النظام ينفيها أو يخفيها عن نفسو بمساعدة بعض المهللين و المنتفعين، انّو هالنظام غير طائفي..
اللي بينظر على مؤسسة الجيش و الأمن وحدها بيشوف انو تسعين بالميّة من الضباط الأمراء و المتحكّمين بقرار الحرب و السلم و الأمن الداخلي هنن من الطائفة العلوية..
ما بدي احكي اليوم عن الجيش والأمن، لأنو الحديث عن إثبات طائفية هالمؤسستين، كمن يريد إثبات انو فيفي عبدو مانها الام المثالية لمصر ..
رح احكي عن الواقع المدني بمدينة اللادقية وحدها ، و عليكون انتو القارئين تجيير الموضوع على باقي المحافظات لاستخلاص اذا ما كان نظام الاسد طائفي او لا..
في عام 2011، السنة اللي انطلقت فيها الثورة السورية..
١- المدراء العامين و مدراء الأفرع في محافظة اللاذقية :
115 مديرية : 3 مدراء سنّة ،مدير واحد مسيحي ، 111مدير علوي..
٢- في جامعة تشرين باللاذقية:
– 16عميد كلية : عميدين سنة فقط ، 14عميد علوي..
– 258 دكتور جامعة : 48 دكتور سنّي ، 8 دكاترة مسيحيين، 202 دكتور علوي..
– 35 موفد لنيل شهادات الدكتورة في أوروبا: 2 موفد سنّة ، موفد واحد مسيحي ، 32 موفد علوي..
٣- مديرية مرفأ اللاذقية و هيّة عصب الحياة بالمدينة :
مدير عام المرفأ بالعربي الدارج رجل كرسي لا بيحل و لا بيربط، منصب شرفي غالباً بيكون من نصيب السنّة..
اما مغارات علي بابا، فهيّة الدوائر التابعة لمديرية المرفأ ، متل دائرة الحركة ، مديرية الاستثمار ، دائرة الآليات و غيرها 12 مغارة اللي على الدوام بيكونو مأمورين من مدراء علويين..
٤- معمل نسيج اللاذقية :
عصب الحياة التاني في المدينة ..
المدير سامر كمال الاسد..
عدد العاملين 1465عامل , 1134 عامل علوي، 331 عامل سنّي و مسيحي..
٥- المديرية العامة للجمارك :
المدير العام عماد الاسد..
١١٨ كشّاف جمركي : 91 علوي ، 11 مسيحي ، 16 سنّي.
42 امين جمركي : 36 علوي ، 6 سنّة..
و قيس على هالارقام باقي الإدارات ، و بعدين اسقط نتائجها على باقي المحافظات ، بتكتشف انو النظام مو بس طائفي ، النظام حوّل سوريا كلها لدولة علويين عايش فيها سنّة و مسيحيين..
بالمناسبة هالأرقام و غيرها اتقدّمت لبشار الاسد من قِبل وفد مدينة اللاذقية لمّا استقبلهون ببداية الثورة ، و طبعاً أنكرها و وعد كالعادة بالنظر بتفاصيلها..
فلا تستغربوا استماتة العلويين لإبقاء الاسد رئيس للدولة العلوية السورية ، فالمكتسبات اللي اعطاهون ياها ، رح يخسروا ٨٠ بالميّة منها اذا اتوزّعت المناصب بشكل عادل على باقي الناس..
فالعلاقة تبادلية بين العلويين من جهة ، و بقاء الاسد بالسلطة من جهة تانية ، فبقدر حاجة الاسد للعلويين كوقود لحربو ضد الشعب السوري، فالعلويين بحاجة لبشار الاسد ليحمي مصالحهون و مكتسباتهون..
التوقيع :
مواطن سوري مالو محل بوطنو ، لأنو بيحمل ” مجد المواطنة ” من كل الأطراف .
سنّي ، لادقاني ، معارض..
