نقلاً عن صفحة الفنان فارس الحلو : 
Fares Helou
رسالة من صديق: فارس انا وعم شوف الصور اليوم تذكرت شغلة قلت بخبرك عليها.. وقت كنت بالسجن تبع فرع الخطيب مات كتير ناس وكانوا يصوروا الكل بأكتر من وضعية ووقت طلعت سألت رئيس السجن باعتبار كنت رئيس مهجع وصار في شوية صحبة، قال لي: منبعتهن لمشفى الهلال الاحمر وبعدها على الدفن بنجها!! بعد ما طلعت كان معنا زلمة من بيت نعمو من ركن الدين وبعرف انو مات جوا خبرت عيلتو وراحوا على مشفى الهلال ورجوهن صور لحتى تعرفوا على الجثة وخلوهن يوقعو على ورقة انو المجموعات المسلحة قتلتو المهم بالقصة بنتو خبرتني انو في أكتر من 4500 صورة على الكومبيوتر تبع المشفى وكلهن نفس الصور يلي تسربت مبارح هاد من فرع صغير بنص البلد. انا الفترة يلي قعدت فيها جوا 64 يوم طالعنا من مهجع واحد 83 واحد ماتوا قدام عيونا .. بدها حدى بالشام يقدر يوصل لكومبيوتر المشفى بطلع من فضايح ابشع من صور مبارح.!!
مواضيع ذات صلة: