علويات ٣…
– وينك ولك بنتي وينك ، يللا بقا الشاي برد و صنصنت البصلة بالسوركي..
– جاية ولك أمي جاية، بس عم خلّص مكياجي ، رايحة عالمظاهرة الحاشدة..
– أيلي ولك بنتي، اتحجبتي؟؟؟؟؟؟ ولك ايمات اتحجبتي؟؟؟؟
– لا لا ولك أمي ما اتحجبت، بس هيك قالولي بالفرع اتحجّب بالمظاهرة ، جاية الاخبارية السورية اتصورنا، الحجاب بس منشان أصول اللحمة الوطنية و الذي منو..
– أيوا هلق فهمت ليش عمّك بو علي كان لابس اسود و قارط صليب نحاس على صدرو..
– لكت ولك أمي لكت، كلّو فدا اللوحة الفسفاسئية..
وقهلا..
………….
علويات ٤..
– شو هالأناقة يا حبيب وين رايح ؟؟
– والله طالع عالمسيرة يا غالي…
– ولك اسمها مظاهرة يا حبيب ، مظاهرة…
– شو بدك تعمل يا غالي، و الله آخدة كلمة مسيرة على لساننا..
– يا خوفي يقطعولك لسانك الجهات المختصة بعد هالمظاهرة يا حبيب..
– الا لساني يا غالي الا لساني… ،ولك كيف بدي ألعق البوط العسكري اذا انقبع؟؟؟
– لكت انضب و اطلع مسيرة يا حبيب ، انسالي كلمة مظاهرة..
– طيّب .. الله سوريا بشار و بس يا غالي…
– و شو كمان يا حبيب..
– ماع ماع يا غالي..
– سمعني اكتر يا حبيب..
– عو عو يا غالي ..
– ماني سامع يا حبيب..
– حا حي يا غالي.
– قول كمان يا حبيب..
– مياو مياو يا غالي..
– عيني ربّك عيني .. هيدي اسمها مسيرة ..برابو عنك يا حبيب..
– الله محيي الجيج يا غالي..
و قهلا..
…………..
علويات ٥..
– اسمعت آخر سمعة عن امريكا يا حبيب.
– شبهن الامريكان شبهن يا غالي ؟؟
– سجّل عندك آخر خبر، قال امريكا صنفت جبهة النصرة منظمة إرهابية يا حبيب..
– ولك عيني ربّا لأمريكا..
– بس قالو الأمريكان ، انو احرار الشام منظمة كيسة يا حبيب..
– ولك يلعن ربّا لأمريكا..
و قهلا..
…….
علويات ٦ …
– هلّق اذا وصلوا الارهابيين على ضيعتنا ، شو بدّك تعمل يا حبيب؟؟
– مابيوصلوا، طوال ما شباب الجيش العربي السوري حامينا ما بيوصلوا يا غالي..
– ولك شباب الجيش العربي السوري يا دوبهم يحموا حالهن يا حبيب..
– لكت صراخ صوت لمرتك، و اطلع ورايي عهالتراكتور و تشبّث يا غالي..
– على وين آخدنا يا حبيب؟؟
– عند الشيخ بو محسن يعلمنا كم ركعة صلاة الصبح ، و كم سجدة صلاة المغرب .. الا ما تلزمنا يا غالي..
و قهلا..
